女神配對計劃｜林堡熙Eddie真情剖白再度衝擊葉蒨文芳心 坦承被感動：佢不斷畀安全感我
無綫熱播戀愛綜藝真人騷《女神配對計劃》，昨晚（3日）九點半播出第九集，「國民CP」葉蒨文Sophie與曾展望GM（簡稱GS）的同房之夜雖然有「冠軍零食」加持（玩遊戲贏咗），可惜卻因同組的林澤謙（阿Him）及林堡熙（Eddie）亂入毁盡GM雅興；阿Him及Eddie更分別出動「小禮物」及「真情剖白」與GM一爭長短，Sophie更坦言不兒嬉兼安全感十足。
Eddie真情剖白再度衝擊Sophie
節目中，Eddie大打自己最擅長的真心真情牌。對Eddie亦明顯有好感的Sophie，一來便追問Eddie身為I人的他今天為何表現如此積極，Eddie雖未有正面回應，但事後他接受製作組訪問時坦言：「我希望可以喺我被淘汰之前，畀佢知道我內心更多嘅想法啦。」Eddie向Sophie透露是參加了節目後才開始在網上搜尋Sophie的Youtube 片及IG嘗試了解Sophie，並大賣關子指從中找到了自己和Sophie的共通點，Sophie聞言即認同：「我今日有幾個moment覺得你好似好明我咁架。」
女神坦承有感動：佢不斷畀安全感我
眼見Sophie反應正面，Eddie再出動「細心攻擊」、指出Sophie IG 0 following的意義、展現自己心思細密一面：「呢個好反映到一個人，佢係想公事還公事，私事還私事…唔知點解，喺嗰個位我好似明白咗你，有種熟悉感。」Eddie續指沒有follow Sophie IG，是不想被當為粉絲的同時，亦想認識「最純粹」的Sophie：「到知道關於真實嘅你嘅私人帳號時，我會去認識真係嗰個你。」Sophie事後亦坦言被Eddie感動：「同Eddie傾偈都幾深刻，因為佢好似已經research晒我所有嘢，對我瞭如指掌咁…我覺得幾感動，我覺得佢唔係好兒嬉嘅一個人。」
而被視為「嬉皮笑臉」代表的GM，一見到Sophie返歸即化身問題少年：「做咩呀？」，尤其當知道Sophie收了阿Him的禮物後，更是緊張：「咩嚟架？」、「鍾唔鍾意？」令Sophie哭笑不得：「你做咩嚴刑拷問呀？」
由「負評王」搖身一變成「真誠癡情王」
雖然Sophie明顯心繫GM，但其實她對阿Him及Eddie亦有情感牽絆，尤其Eddie的細心及遷就，更令Sophie感動又愧疚。「Eddie佢真係想了解我」，嗰條唔擺酒嘅問題哩（心意配對遊戲），「佢話：『其實我可以唔擺酒架』，佢係不斷畀安全感我，我都等緊GM做呢啲，我最有好感嗰個，佢一路都冇做，側邊嗰兩個人不斷畀我嘢，我就覺得對嗰兩個好愧疚。同埋咁啱三個都入咗嗰間房（心意配對遊戲最後一條問題），真係好大壓力。」梁敏巧聞言即大爆GS玩咬百力滋時，Eddie全程「望都唔夠膽望」，阿Him則是努力面對。
Eddie IG親揭「歪嘴」之謎
明顯對Sophie火力全開的Eddie，之前在IG的留言，亦宣示了力追女神的決心：「可能因為自己係個會over think嘅人，我會對說話有過多嘅過濾，所以我比較相信行動嘅真實性。若果我地有呢個緣份，我相信，你一定會見到我。」之後更為自己被熱話已久的「嘴藐藐」樣解畫：「我想講我冇心㗎，唔知係咪因為好多年之前，有一次運動受傷撞到骨折，塊面仲要花晒入醫院，自此兩邊面嘅肌肉控制就有啲唔同。所以有時我唔係有心『串』，係冇計。」
葉蒨文一度認為GM不夠主動
節目中，雖然葉蒨文（Sophie）與曾展望（GM）又甜蜜又合襯，但GM卻非「零危機」。由於GM同組對手林澤謙（Him）及林堡熙（Eddie）不但外形吸引，二人還與Sophie有不少正面互動，Sophie更一度因二人太好而直指覺得GM未夠好。
葉蒨文曾擔心錯付真心
葉蒨文剖白內心指：「我最有好感嗰個，佢一路都冇做咩嘢，但側邊嗰兩個人不斷畀我嘢，然後我就覺得對嗰兩個好愧疚。」Sophie坦言直到GM在「心意配對遊戲」中，放下平時的嬉皮笑臉、說了一句極認真的話，Sophie才如釋重負。
GM「真心話」融化葉蒨文
葉蒨文大讚GM Man爆的同時，還直指：「我終於覺得呢條鎖匙畀得值喇！」原來GM當時講了「你係咪覺得搞到人哋好唔開心，所以你唔開心，我明啊，我頭先都有呢個感覺，所以enjoy唔到食百力滋個part，好似令其他男仔都好掃興，咁你睇吓我哋幾襯」，即令Sophie一秒改觀！
葉蒨文曾展望同房過夜屢遭對手打擾
最新一集中，葉蒨文（Sophie）與曾展望（GM）迎來同房過夜的甜蜜環節，面對房內僅有一張大床的難題，Sophie提出以「包剪揼」來決定是否同床，GM則使出渾身解數，先是甜言蜜語，後又故意輸掉遊戲，並以「驚風濕」為由撒嬌，逗得Sophie甜笑連連。
阿Him Eddie輪流亂入阻住GM與女神過夜
GM事後受訪時坦承，能與心儀對象同房讓他感到相當興奮。不過，GM還要面對阿Him與Eddie強攻！在GM與Sophie同房期間，阿Him與Eddie輪流主動約會Sophie，雖然GM表面OK，但內心不無擔憂，更搞笑扮扯火謂：「搵夠Sophie未呀？！有咩傾下次搵埋我一齊傾吖嘛。」
葉蒨文呷醋質問曾展望同其他人太親密
在玩另一個遊戲時，Maggie突然指想睇Sophie呷醋樣，Sophie隨即引爆：「咪呷醋咗好多次咯今日」，火勢更瞬間蔓延演變至「質問」GM：「今日Maggie晏晝喺嗰邊枱幫你撥頭髮，你見唔見到我望咗過嚟呀？」
GM用一招神化解危機
感覺到氣息不對的GM，火速四両撥千斤謂：「你（梁敏巧）做咩幫我撥頭髮唔同我講呀，點解我唔知嘅？！」、「我以後寧願畀蟲咬，在場女士唔好幫我撥！」、「一係你以後大力啲一巴冚埋嚟。」
面對GM輕鬆地無厘正經帶過難題，關嘉敏大表佩服：「佢咁樣答，根本嬲佢唔落。」李芷晴則直指GM擁有Sophie喜歡的風趣特質，全場大讚二人夾到痺。
港生活人氣娛樂新聞
↓【限時搶⚡】逸東軒「逸月流金」禮盒↓
↓香甜幼滑迷你流心奶黄月餅↓
【招募毛孩】請您食 Whiskers N Paws「寵物零食套裝」!
假日好去處