女神配對計劃｜葉蒨文與林堡熙Eddie家庭背景神巧合 4歲經歷父母離異與後父同住
TVB戀愛綜藝真人騷《女神配對計劃》今集獲閨密花生團眷顧的，可謂是林堡熙（Eddie）。Eddie今集可撇開勁敵GM及阿Him與女神Sophie一組，在相處期間更意外發現了兩人的「神巧合」家庭背景，Eddie更一度展現勁冧的「謎之微笑」。
Eddie葉蒨文兩大神巧合晒超強緣份感情急劇升溫
Eddie今集與Sophie及Kris外出執行任務時，不但展現了他的「人肉GPS」專長令Sophie眼前一亮，二人閒聊期間，更意外發現了二人同樣於四歲左右的年紀已要經歷父母離異，而且之後還一樣是與母親及後父同住，背景堪稱「神巧合」！
而當Eddie得悉Sophie與自己一樣4歲左右父母已離異時，嘴角忍不住展現「謎之微笑」，之後更輪流展現甜笑及得戚之笑，喜悅之情不言而喻。
Eddie接受訪問時，坦言因而對Sophie了解更深：「所以佢可能好細個就慣咗有一種唔好靠屋企人嘅感覺，有種獨立喺度」；Sophie亦因而對Eddie好感度激增：「原來Eddie同我都係單親，可能因為咁，所以佢都幾明白我咯。」
而全程擔任「旁觀者」的Kris，亦忍不住大讚Sophie與Eddie好夾：「我覺得佢哋其實幾夾幾舒服架喎，雖然有少少對唔住GM，但呢個係我當下嘅感受。」
GM大受刺激激動大嗌：邊個棒打鴛鴦？！
對於未能與Sophie同組，GM自然極度氣憤，酸樣外露的同時、更一度激動至大力拍大髀，更高呼：「邊個棒打鴛鴦？！」。與Sophie同房後的GM，未知是否叉足電表現而變積極，不但懶理Eddie「擋路」借啲意「紙巾傳情」冧Sophie，更主動出擊要求已離組的Sophie坐在自己身旁，見Sophie意圖返回原位時又口花花謂：「你唔好走住啦！」氹得Sophie心花怒放。
港生活人氣娛樂新聞
↓【限時搶⚡】逸東軒「逸月流金」禮盒↓
↓香甜幼滑迷你流心奶黄月餅↓
↓【限時搶⚡】卡樂B香烤魷魚味波浪薯片↓
↓獨特魷魚味半融粒粒｜咸鮮味逼人↓
假日好去處