一家三口拒絕東涌新公屋 1個月後獲派市區「準新樓」？網民羡慕：人生勝利組

排公屋7年 港爸一家獲派市區「準新樓」

該港爸於Facebook群組「公屋討論區」發帖，指自己原先以單人身份申請公屋，其後結婚並轉為「家庭隊」，一家三口住在九龍區，輪候公屋已有七年。帖文中提到，樓主一家首派東涌的新公屋「翔東樓」，拒絕編派一個月後，已經再收到配房通知書，二派彩虹邨紅萼樓一個2-3人單位，每月租金連差餉為$1,700。他們傾向接受這次編配，直言「依一棟都會拆，之後安置，如無意外係新彩虹邨，某程度上都叫準新樓」。

彩虹邨成「上上籤」？網民：有錢都買唔到

不少網民紛紛留言恭喜，大讚彩虹邨是「上上籤」，不但地理位置優越，生活配套齊全，加上邨內即將重建，未來原住戶可獲優先安置，形容樓主一家簡直是「人生勝利組」。有網民留言，「正啦，簡單入住先，遲啲有新樓住，仲要係正市中心」、「正到不得了啦，上上籤，有機會安置係對面新樓，市區地鐵站上蓋附近，有錢都買唔到」、「 正呀，位置好，租金平，簡單裝修入住，慢慢儲錢，新樓豪裝，享受人生」。

▼網民點睇▼

+6

+5

點擊圖片放大

網民力勸諗清楚 疑惑「翔東新樓點解唔要？」

部分網民對派樓安排感到疑惑，「 一派擴展，二派市區？」指出東涌為「擴展市區」，彩虹邨則為「市區」，理論上房署是不會跨區派樓。亦有網友質疑「翔東新樓點解唔要？」東涌翔東樓為新公屋，樓主卻寧願等尚未重建的彩虹邨。

此外，更有不少人勸樓主要諗清楚，「2042年先拆，重有17年你住」，有網民指出，「拆房建屋都好吵啊？粉塵太多啦」、「要考慮重建時的噪音和空氣質素」。

▼網民點睇▼

+6

+5

點擊圖片放大

樓主逐一回應留言

被問到為何「一派擴展，二派市區」時，樓主解釋：「我個number係可轉市區個批入面，佢最初比翔東我個陣，開頭心諗都想要，但後來有得轉市區」。對於網民提到彩虹邨重建需時長達數十年，他坦言無所謂，「無法，忍佢10年，排都排左10幾年，預計10年後先拆，住住先，等上新樓，等下啦，好快嫁啦，人生好多時間都係等」。

來源：FB@公屋討論區