麻雀樂團｜一家三口合奏超催淚再度感動網民 郭柏妍自揭全日唔敢望莊易羚免受刺激？
《麻雀樂團》今個星期來到結局周，，昨晚（26日）播出的第22集更是相當催淚，更獲網民推為本年度神劇：「好耐冇試過追劇，呢套好正」、「無綫拍番啲地道小品就好好睇」、「呢啲小品真係特別好睇」！除了對白超感人、演員演繹夠真摯到位，加上唯美又用心的拍攝手法，絕對是結局周、甚至全劇高潮所在！
郭柏妍自揭全日唔敢望莊易羚
Rosita則坦言拍攝「一家三口」戲份前已感動到想喊，更因此全程不敢望「媽咪」莊易羚：「我記得我係由返到公司，到化妝、整頭，到出去拍，我都係唔夠膽望住沈盈...因為我一望住佢，我就會好心悒、好唔開心，因為真係好唔捨得媽咪！所以拍嗰幕戲時，我其實都唔係好hold得住啲情緒...嗰吓我代入咗個角色，見到爸爸媽媽喺遠處彈住琴望住我。」
反思：上咗一課
Rosita又指「我嘅感覺就係自己、喺唔同嘅時間，都有一個好親嘅家人陪住自己…所以我真係好鍾意呢幕戲，由劇本到情境...呢幕戲喺我嘅腦海入面留下咗一個好重要嘅回憶。」並謂拍畢《麻雀》後多了反思：「我會諗如果家人唔喺身邊...咁會點呢？嗰種唔捨得、嗰種珍惜，都令郭柏妍上咗一課。」
一家三口合奏超催淚
昨晚的演奏會除巧妙地銜接回第一集的劇情，還呈現了極華麗及盛大畫面，除了為數40人的管弦樂團成員，還有現場數百名觀眾。不少網民都表示十分感動：「我又感動到流眼淚了，上一次係認老豆…」、「估唔到我幾十歲麻甩佬可以睇無綫劇睇到喊。」而郭柏妍的晚裝演奏Look，亦大獲正評：「郭柏妍個look咁靚得唔得架。」
港生活人氣娛樂新聞
↓【限時搶⚡】逸東軒「逸月流金」禮盒↓
↓香甜幼滑迷你流心奶黄月餅↓
【請您食月餅🥮】利苑雙聚嚐月禮盒！
↓簡單登記免費嘆流心奶黃+雙黃白蓮蓉月餅💕↓
假日好去處