網民鬧李逸朗抽水表達愛意 女神蔣雅文爆發深夜出Post澄清

Don & Mandy 羅生門事件三部曲:

第一部: 網民鬧李逸朗抽水表達愛意 女神蔣雅文爆發深夜出Post澄清

第二部: 李逸朗再回應非想搞事　衷心祝福Mandy

第三部: Mandy再有感而發　老公帥爆留言擊退一眾兵仔

一切嘅事情都係呢張相開始！

話說已為人妻嘅Mandy蔣雅文最近返咗嚟香港開期間限定Pop-up Store，憑《傻女》一曲再次大熱嘅Don李逸朗就走咗去相認，仲Post咗張世紀合照，再加埋個Caption「7年之約」，你知啦，佢哋當年以情侶組合姿態出道，好易令人懷疑佢哋係真。情侶！之後Don仲上埋《100毛》自抽自己做兵仔，講到好似係自己求愛失敗咁，再出咗幾次Post講呢段好似好有嘢嘅關係！

 

不過佢尋日都有出Post講番係大家諗多咗，仲話唔鍾意佢咁做就唔好Follow佢，唔知係咪怕Mandy嬲？

直到尋日深夜，Mandy終於忍唔住要爆，喺Facebook直接宣佈「在這裡想重申我跟Don真的沒有一起過，他沒有追求過我，我也沒有喜歡過他」，仲話係因為工作不合而拆夥，叫大家唔好再亂估同作無謂嘅幻想！

對於Don嘅表現，好多網民都留言話佢無理Mandy感受同搏出位，但同時都有人撐佢！

　

至於Mandy，就全世界都支持佢，Mandy亦再回應話係想保護老公，而佢都直認抽水短片係導火線！

 

12/8/2015 3:50pm 更新:
Mandy再有感而發　老公帥爆留言擊退一眾兵仔

12/8/2015 3:15pm 更新:
《李逸朗再回應非想搞事　衷心祝福Mandy》