港男發長文勸世冇錢唔好生仔：遲啲連綜援都冇得拎！網民熱議「只會延續貧窮」

文: 黃樂恩

5小時前

在香港，生仔是否已成奢侈？近日有網民在討論區發帖，直言「冇一定資產唔好生仔」，認為在經濟未穩情況下生育屬不負責任，更稱「唔好害下一代！」帖文一出引發熱烈討論，部分網民力撐樓主理性分析，但亦有人認為生育屬個人自由，經濟狀況並非唯一考量因素，並質疑樓主言論過於極端。

生仔都成奢侈？港人：唔好害下一代

該名港人於香港討論區以「如你沒有一定資產千祈唔好生育下一代」為題發帖，指自己經歷過半人生，充分體會到人間冷暖，深知為人生活之艱難。他認為在經濟條件未成熟下，生育是對下一代不負責任的表現，並直言：「諗清楚自己實力和當前經濟環境，唔好自私喜歡而生下一代，你都經歷半世人知道人間有幾痛苦！唔好害下一代！」

樓主亦提到，香港經濟下滑，早已不是以往經濟起飛時代，他直言：「舊香港窮人可以生育下一代，現時經濟唔好、沒有收入、沒有資產，窮得只剩老婆仔女，結果會點，遲啲可能連綜援都冇得領取」。

部分網民認同：窮人生仔只會延續貧窮

不少網民留言力撐樓主，指香港生活壓力沉重，若未有一定資產，生育只會拖累整個家庭，「養一個小朋友係要用好多錢」、「冇錢仲生下一代，只係為香港社會增加多一些奴隸」、「以前一個人做嘢可以養起一家四口，依家兩個人做嘢都未必養得起一家四口」。亦有網民指出，認為前藝人張致恆就是最好的例子，「大家睇下張致恆生四件經常陷入財困的新聞就知，沒有經濟實力亂生仔的後果」。

▼網民點睇▼

+10

點擊圖片放大

網民批評樓主言論太偏激？

不過，亦有網民持不同意見，認為「有無資產」不應成為生育唯一門檻，每個家庭情況不同，不應一概而論。亦有網民詢問「一定資產即係幾多？」、「有間私樓可以生小朋友吧...」。

另一方面，有網民質疑樓主過於負面甚至偏激，指其言論是「放負」、「冇鬥志」，並將自身情緒投射至他人選擇之上，「話生仔生女冇經濟實力，但轉個頭走去養貓養狗，年年去旅行」，更有留言更反駁：「香港人窮極都總有D錢，未必富貴，但可以生得起」。亦有意見認為，生育有時反而為人生注入目標，「下一代會令你增加咗鬥志，對人生多咗希望」。