公屋派樓開心收信變失望！港媽獲派彩雲二邨「怪單位」 網民竟齊聲勸退？

港媽獲派彩雲二邨「怪單位」：聽到咁已經唔想要

該名港媽於Facebook群組「公屋討論區」發帖，表示公屋二派彩雲二邨的單位，原本滿心期待，但當她致電房署職員查詢後即感失望，指單位存在三大問題，令她「心都涼晒」。

▼港媽狠批單位3大問題▼

點擊圖片放大

據樓主所述，該單位位於頂樓，沒有電梯直達，住戶需額外步行一層才能到達。但最令她錯愕的是，房署職員單位表明天花位置不准封密，須預留空間給工作人員日後維修，即使單位並無出現任何狀況，房署每至兩三年亦會例行入屋巡查一次。

樓主直言：「聽到咁，我都已經唔想要，未聽過咁奇怪的屋」，雖然對單位不太滿意，但亦擔心三派會更差，遂網上發文詢問：「耐唔耐要俾人入屋檢查，而且呢一層是是無𨋢到，我覺得似加建，我可唔可以寫信去公屋，要求唔計一次？真是接受唔到，時不時就有人入屋檢查」。

天花唔準封引熱議 網民：唔要好過

帖文引起大批網民留言，有人解釋天花不能封閉並非個別情況，也許是因為頂樓單位容易出現滲水狀況，房署才會需要定期檢查。另有網民指出，即使單位條件不理想，只要不是特快編配，都一樣當作一次派樓計算：「我曾經都係派到頂樓，都當一次計」、「係蝕左一次，但係比我都會考慮唔要好過」。

網民一面倒勸退「又殘又舊唔要啦」

不少網民直言該單位問題多多，不值得接受，更有留言指出：「幾大都唔要，住頂樓夏天好熱，電梯又不到樓層」、「47年樓齡，太舊唔好要」、「彩雲2又殘又舊唔要啦」。亦有人提醒，可以提前同房署表明不想要頂樓、低層等特殊單位，「佢哋多數話唔可以咁，但佢哋都會寫低，好多人都係咁」。

▼網民點睇▼

+9

+8

點擊圖片放大

有得住仲嫌？網民：住公屋，肯定政府話事

不過，亦有網民認為樓主反應過激，直言「想住政府公屋，肯定政府話事，你放屁都冇用」、「住二樓，都要俾房署入屋，擒出去掃簷蓬頂啲垃圾㗎」。亦有網民從實際層面出發，認為樓主毋須過分擔心入屋檢查問題，留言指「調轉諗，天台漏水好過樓上單位漏水」，又補充「（房署）幾年先會入一次，分分鐘都無，佢地無咁勤力，俾我會要，因為怕樓上既人發出嘈音」。此外，彩雲邨地理位置不錯，鄰近地鐵站、交通方便，有網民建議樓主不妨再三考慮是否拒絕編配。

來源：FB@公屋討論區