港人力數村屋4大罪狀 住兩年極後悔大呻頂唔順：比狗住都不如！網民分兩派：你個間問題啫

港人力數村屋4大罪狀：比狗住都不為過

最近連登討論區上，有港人以「我唔明村屋有咩好住」為題發帖，大呻搬入村屋後的居住體驗慘不忍睹。樓主坦言，當初自己貪新鮮而選擇入住村屋，惟入住兩年已後悔莫及，如今更「頂唔順」，急不及待想搬走。

他在帖文中列出居住村屋的4大缺點，包括村路狀況破爛不堪，渠道更會傳出不明來源的惡臭味，加上村內狗隻隨地便溺，導致馬路佈滿糞便，令整體環境極為惡劣。此外，樓主亦提到蛇蟲鼠蟻出沒成日常，雖然他所住單位尚算整潔，但偶爾出現飛蟲已讓他苦不堪言，更直言「村屋比狗住都不為過，唔明d人點解可以住十幾廿年」。

▼住村屋4大罪狀▼

+2

點擊圖片放大

網民分兩派激烈爭議

帖文一出即引起熱烈討論，網民意見大致分為兩派。一派表示力撐樓主看法，認為村屋租金便宜是有代價的，包括牆身薄、隔音差、上網速度慢，加上蛇蟲鼠蟻問題嚴重，紛紛留言「村屋只有好少數係正」、「好住過apartment就唔會咁平啦」、「所以咪平d囉，幾千數呎」。更有網民批評，指租住的人只不過是想以實惠價錢住大屋，大多是把村屋當豪宅住，「冇錢又想扮大袋咪租個村屋嚟扮house」。

另一派網民則持相反意見，大讚村屋居住空間大，有天台花園，可泊車又可養狗，「好正喎，又平又大又有車位又靜」、「有咩唔好住，車到門前，地方大，空氣好」、「四五萬蚊月租市區租到咩樓先，住得遠咪平啲同大啲，個trade Off其實好簡單」。不少人認為，只要能接受交通不便與蚊蟲，村屋其實是高性價比之選。

▼網民點睇▼

+8

+7

點擊圖片放大

網民：係你住間村屋問題

亦有網民認為，樓主遇到的問題並非村屋本身，而是選錯地點與鄰里，「你條村啲村民無品啫」、「你睇樓個陣唔知？有d村屋無咁差」、「咩樓都有唔同環境架啦，你自己揀著個X既都無計」。網民續指，不同村屋地段、衛生及村民素質差異極大，「唔同村好大分別，有D又乾淨又冇味」，至於樓主提到的村路破爛、狗屎橫行等問題，有人建議他向地政署或相關部門反映，「條路爛咪搵地政搞」。

+3

+2

點擊圖片放大

【原帖文】

來源：連登討論區