哥哥借名買車未還錢 阿媽竟再開口要60萬買內地樓！港女掙扎：拎所有積蓄俾佢？

無錢充大頭鬼？阿媽突開口借60萬買內地樓

最近連登討論區上，有女網友以「阿媽借錢要唔要幫？」為題發長文大吐苦水，表示今日母親突如其致電，要求她借出50至60萬購買一個內地重建單位，令她陷入兩難之中。

事後，她才得知外公位於廣州黃埔魚珠區的祖屋早年因重建而獲分三間單位，母親與兩名兄弟各分得一間，其面積約20平方。但由於母親貪心想要換取更大單位，兩年前擅自與當局簽約，以人民幣65萬補地價，換取一個約40平方的大單位，如今無力負擔，於是向女兒開口借錢。

阿媽揮霍無度 僅靠父親退休金過活

樓主表示，母親目前居住一個已購買並供滿的公屋單位，每月可領父親的退休長俸及政府生果金，合共超過一萬元。但母親對金錢並無節制，揮霍無度，經常大手購入水果、零食囤積在家，造成大量浪費，更需要她定期上門清理。

她透露，父親今年已經74歲，曾中風兩次，健康狀況非常差，若日後不幸離世，母親將失去每月過萬的長俸收入，「佢自己份生果金到時應該唔夠佢洗，又會走黎問我拎」。同時，母親有意將現居公屋交由兄長居住，她若再出資幫手購入內地單位，恐怕最終兩層樓都落入兄長手上。

樓主：「佢自稱第時老左會搬上大陸住，間公屋比我個窮困既阿哥，但以我了解我媽係唔鍾意番大陸住，佢亦唔肯租出去佢既心態係間屋一年番去住10日8日。」

樓主亦指出，自己今年因照顧子女而辭職，現時家庭收入全靠丈夫支撐，已無能力再為娘家負擔大額開支。但母親不僅無視其處境，更將目標轉向收入較高的丈夫，甚至暗示應由女婿幫忙出錢相助。

全家早有前科 港女：阿哥仲差我十幾萬未還

除了媽媽以外，樓主無奈表示家人早有「前科」，哥哥早在兩年前曾以她名義購入Tesla，至今仍有約17萬元車貸未償還，「財困阿哥同佢前妻又成日話冇錢交租供車，仲要幫手養埋佢個仔，差我十幾萬未還」。她坦言，若此刻再動用所有積蓄幫母親補地價買樓，幾乎等同清空戶口，「掙扎緊應唔應該拎所有積蓄佢買樓，比錢佢買可能多間垃圾空置屋，唔俾又話不孝」。

▼原帖文▼

點擊圖片放大

網民留言一面倒 力勸樓主勿心軟借錢

事件引起大量網民關注，留言一面倒，不少人力勸樓主諗清楚，直言「幫左你只會後悔」、「唔係借唔借嘅問題，而係你根本就冇多餘錢」、「好明顯成家當你提款機啦」。亦有人指出樓主母親根本不是出於生活所需，而是為了滿足個人虛榮與控制慾，其行為簡直是情緒勒索，「今日叫你幫佢買樓，聽日話要買架Maybach代步你又係咪要畀佢」。

+5

+4

點擊圖片放大

部分理性網友提出具體建議，「寫埋你名就幫，唔寫就算數」、「佢要返20平方嗰間，咁就唔使補60幾萬人仔」、「叫佢自己諗掂，或者叫佢搵你阿哥」。另有過來人提醒，內地重建樓普遍無地契，除了自住根本無市場價值，「我屋企都唔聽我講買左間，除左浪費錢，時間，體力打理之外，根本冇用」。

▼網民建議▼

+4

+3

點擊圖片放大

網民怒斥樓主愚孝：最慘係老公

有網友則同情樓主丈夫，認為他才是事件中最無辜的一方，「最慘既係佢老公，娶個老婆返嚟原來愚孝」、「邊有人會借錢俾人借到自己都無飯開」，更有人狠批：「老公咁高人工娶埋d蠢女人」。不少人亦質疑樓主母親明顯重男輕女，早有分配傾向：「買咗嘅公屋會畀你阿哥，咁其實大陸嗰層樓都係畀阿哥啦，如果係咁計嘅話，你前前後後送咗差不多1M比你阿哥」，網民認為若樓主一再讓步，最終只會淪為家人的提款機。

來源：連登討論區