公屋獲派元州邨大單位 港人一原因猶豫不決！網友一面倒勸退稱最驚遇上呢2樣

獲派元州邨大單位 港人一原因猶豫不決

近日有港人在Facebook群組「公屋討論區」發文分享，指自己獲派元州邨公屋單位，並貼出其配房信。從信中見到，樓主獲派元州邨元盛樓的單位，每月租金連差餉為$3,598。但由於單位位處最底層的一樓，令樓主感到猶豫不決，並向網民求助「勞煩各位大神俾D意見？1樓最底層單位，如何抉擇？」

點擊圖片放大

網民憑「租金」線索推測：「係咪大單位？」

帖文引來大量留言，不少網民認為元州邨地理位置優越，生活配套齊全，「隔籬就係長沙灣港鐵站，市區超方便，對面保安道街市」、「條村地理位置真心正」。不過，亦有網民對單位偏高租金感到疑惑，推測樓主所獲派的可能是大單位，「咁貴租係咪大單位呀，大單位未必有高層」、「真貴租，屯門蝴蝶邨公屋400呎1千2百多元」、「一樓，重要成3600元租？」

市區靚地段都無用？網民一面倒勸退

對於樓主獲派的一樓單位，大多數網民都持負面看法，留言幾乎一致認為「唔好要」、「基本上一樓唔洗諗」，更有人直言：「老鼠入屋你就飽」、「最怕屎水倒灌同空中飛人」。亦有自稱是元盛樓街坊的網民留言，表示曾見該單位重新翻新，「好住就一定好住既，但唔好就對正平台，裝返d窗網防蟲鼠都已經好好，淨低就空中飛人嗰個風險」。

▼網民留言▼

+10

+9

點擊圖片放大

有得住就住？一樓住戶分享實況

雖然負評聲音佔多數，但亦有部分網民認為一樓單位其實可接受，紛紛留言「我會要，真的，最緊要方便」、「真係好住，交通一流，又係大房，好多人恨都恨唔到」、「元州邨交通方便，生活配套齊」。亦有留言批評樓主「嫌三嫌四」，表示「有得你住就住啦，死過全家極度凶宅你都要住架啦，有要求就死番去住番劏房啦」、「真係有房屋需要，唔會咁揀擇，下次配翔東俾你」。

▼一樓住戶分享實況▼

點擊圖片放大

來源：FB@公屋討論區