女神配對計劃｜梁敏巧被「浪漫四手聯彈」徹底攻陷 律師Matt分享愛情觀被催原地結婚

梁敏巧被「浪漫四手聯彈」徹底攻陷

在「限時告白」環節中，Maggie因完全陶醉在Matt安排的「浪漫四手聯彈」，即使主持林盛斌（Bob）「踩場」暗示還有另外兩名組員榮嘉爾及海淦清（T.Max）在等候她，她仍堅定地表示想繼續彈：「我完全唔想走，好想繼續同佢彈琴咯。」身兼金牌媒人的Bob見狀，亦識趣地悄悄離開，兼忍不住感嘆：「淨係睇背脊都見到有默契和交流。」

+2

點擊圖片放大

Matt分享超強愛情觀：關係係雙向嘅，要互相維繫，唔可以單方面提出要求

「絕世暖男」Matt之後在社交網分享拍攝花絮及感受，坦言四手聯彈時「緊張到爆」：「中學畢業之後我都無乜點彈，結果一彈就要喺電視機同網上面彈，仲要咁多支鏡頭（對住），講真真係緊張到爆。為咗好好表現，我真係練咗幾個禮拜，但喺現場都係彈錯，Sor，我真係盡咗力。」

+2

點擊圖片放大

50支粉紅玫瑰藏心思

Matt又透露額外送了50支粉紅玫瑰給Maggie，皆因她想在Maggie心中成為浪漫的人，相當浪漫：「@maggiemanhau 成日話比花更浪漫嘅係送花嘅人，呢一次係我第一次送花畀佢，因為我想成為佢心入面浪漫嘅人。」除了浪漫花束，Matt還分享了「暖男孖寶」：「歪嘴嘅錄音熊仔…我希望可以用呢隻熊仔錄低只屬於我哋嘅聯彈，仲有當時嘅感覺同默契」、「紙巾！呢個係我阿媽由細教到大，男仔都係要隨身帶紙巾。」

「暖男愛情觀」打破Maggie防禦牆

一直強調要打破Maggie防禦牆的Matt，還分享了「暖男愛情觀」：「當我希望Maggie對我放低防備嘅時候，我先放低我自己嘅防備。關係係雙向嘅，要互相去維繫，所以唔可以單方面提出要求。喺提出要求嘅時候，先反思自己係咪已經做好咗。」

激讚Matt男人天花板

一眾網民紛紛被Matt的超強愛情觀震撼，留言激讚Matt男人天花板：「最強開鎖佬」、「救命！可唔可以原地結婚？真係好match！！！好夾啊！」、「你見唔見到個天花板穿咗？你呢啲神級追女方法，set高咗我將來女婿追我女嘅要求，冇你咁細心、浪漫、明白事理，過唔到關」、「阿Matt真係好有心思、好真誠」、「今晚果集，Maggie 40分鐘都畀哂阿Matt，連阿Bob提醒都唔走，Sweet到爆！」、「老老實實，觀察咗Mr Matt 一排，覺得你係好貼地、好貼心嘅男人，特別係琴日話打低自己嘅牆先，再請 Maggie 打開心扉，呢吓有再加分，真心祝福你同 Maggie 」。

+2

點擊圖片放大