荃灣廣場海鮮放題驚揭「食霸」！男女偷藏大量海鮮肥牛 嚇窒職員：成袋呀？ 黃傑龍提醒一事 小心原告變被告
網上瘋傳一段一對食客遭餐廳職員揭發，涉嫌將大量海鮮和肥牛等生鮮食材偷偷放入袋中企圖帶走的事件。據悉事件發生在荃灣廣場一家主打海鮮放題火鍋店，片段火速在社交媒體上引起軒然大波。店員籲交還時，其份量之多讓店員也為之震驚。「牛角」老闆黃傑龍則提醒將客人私隱放上網，隨時原告變被告。
偷帶食材被揭發 職員有禮勸交還
根據網上流傳的影片，估計為餐廳職員的隨身攝錄儀拍攝所得，片中見一名男職員走到一張雙人餐桌旁，態度客氣地向該對男女顧客表示：「唔好意思，CCTV打電話落嚟，見到係咪唔覺意擺咗啲嘢食落個袋？」職員隨後禮貌地勸籲兩人將食物交還，強調「食物衛生啦始終都，食到唔緊要，食到全部可以喺度食」，意指所有食物應在店內享用。
男子聞言後保持沉默，僅從黑色環保袋中取出一包用膠袋盛載的海鮮，並否認袋中其他食物屬餐廳所有，回覆「嗰啲唔係。」職員見狀也難掩驚訝，輕聲說道：「咁大袋」。然而，職員察覺到袋中仍藏有其他食材，堅持要求男子將「牛肉」和「蝦」等取出，並重申店內有張貼告示不可帶走食材。
大批生猛海鮮塞滿袋 男店員震驚，成袋呀？
在職員再三要求下，男子先是徒手抓出一大把肥牛放在桌上，期間他顯得有些緊張，甚至用剛觸碰過生肉的手去抹臉和撥弄頭髮。最終，在與女伴溝通後，男子索性將整個環保袋交給職員。職員在接過時，被其重量及份量震驚，難以置信地驚呼：「成袋呀？」
職員之後將收回的食材取出記錄事件。從鏡頭可見盜取的食材包括大量鮮蝦、生蠔、蟹、肥牛、即食麵等，數量驚人，部分海鮮仍鮮活郁動。
網民意見兩極：批評無恥vs反對公審
事件曝光後，網民對該對男女的行為幾乎一面倒地批評，留言指「愈來愈多無恥之徒」、「肉酸，失禮」，並讚揚涉事職員的處理手法和語氣「專業大方得體」。
不過，亦有網民提出質疑，認為餐廳不應將片段公開，應透過報警等合法途徑處理，而非「影埋個樣出來比人公審」，指出「將人放上網有啲過」。亦有人建議餐廳應該罰錢，「拎個磅出來同佢計囉～記得講聲多謝幫襯～」。
黃傑龍提醒：恐原告變被告
對於事件，叙福樓集團黃傑龍亦有在Facebook上發文回應。他肯定職員的禮貌值得讚賞，但也提醒該餐廳應留意法律風險。黃傑龍指出：「正如個員工講，一日未離開食放題攞幾多都得。」他強調，若餐廳將客人私隱未經同意公開，一旦「嗰兩個人識玩，民事索償你，即刻原告變成被告」。他認為，由於影片顯然由餐廳拍攝並擁有，無論由誰發佈，餐廳都負有「最大責任」。
他建議，對於未吃完的食物，餐廳最多只能引用相關條款罰款，除非「等佢出門口先至捉佢，咁就可能刑事」，否則在法律上處理此類事件時需格外小心。
「黃傑龍」手持肥牛打卡
黃傑龍再在Facebook分享2張AI生成的現場打卡相，更應網民要求，再創作一張手持肥牛AI相片，十分鬼馬。
帖文獲大批網民讚好，更風趣表示「先生麻煩你唔好用個背脊遮住成袋食物」、「塊面唔夠方」、「差咗冇搓面 gel 頭。」
港生活人氣本地熱話
↓【限時搶⚡】Shimiace AX藥用打斑膏↓
↓擊退頑固色斑｜預防未來斑↓
【突發‼️】送您大熱鎖匙圈相機盲盒 📷！
假日好去處