郭晉安離婚後桃花緋聞不斷吸引港姐埋身 呢位冠軍竟高調表白「好愛郭晉安」

《金式森林》真愛VS計算 相差27歲忘年戀

《金式森林》除了以延續港式爭產經典為一大核心、故事中「珠寶大王」方仰天（郭晉安飾）與林澄（陳曉華Hera飾）的忘年戀，亦是劇集另一個主打。男女主角的忠奸難辨亦是貫穿全劇賣點之一，因著方仰天的「撐腰」，林澄在方家扶搖直上，到底林澄嫁給仰天是因為真愛還是早有預謀？方仰天這個珠寶界大鱷，是因為老來寂寞所以輕易地愛上一個小妹妹、還是有心以外人抗衡三個不肖子、還是另有其他計算？

+2

點擊圖片放大

監製林志華落「禁咀令」

據知為了令這段忘年戀更有說服力之餘亦更具懸念，監製林志華開劇前專誠下令郭晉安與陳曉華在劇中不能有任何親密接觸、並嚴禁二人有接吻場面，故即使拍攝結婚場口，二人都只是蜻蜓點水式錫面珠。

陳曉華坦言拍劇期間好愛郭晉安

監製林志華續指陳曉華拍攝《金式森林》時，一度真的愛上安仔，陳曉華接受官方訪問時亦笑言「一定好愛」，並謂：「林澄係真係愛上方仰天架」，並感激安郭晉安給予不少抽象式的指導，幫助她投入林澄的世界之餘、亦幫助她學會如何抽離角色：「安哥教我要將皮肉同靈魂分得開啲，佢教我用我嘅靈魂去創造林澄，而呢個靈魂係真心愛上仰天嘅。今次係我同安哥第一次合作，所以我對佢嘅認知就係方仰天。」

陳曉華續指由於郭晉安與她講戲時、會選用她較易投入的抽象angle，令Hera覺得二人一談到拍劇時、有種「世界好似淨係得番我哋兩個」的感覺，她說：「我好鍾意聽安哥講做戲嘅嘢，佢用咗個比較抽象嘅方法去同我講，其他人未必明白，但係我好鍾意聽！所以我哋兩個傾做戲嘢時，會有種成個世界好似淨係得番我哋兩個嘅感覺…我覺得安仔係畀咗個能力、comfort zone同幻想空間我去創造林澄，我好感動、亦都好多謝佢…我都有問過安哥點解方仰天會鍾意林澄，佢就話係我嘅潛力，因為仰天想林澄成為更厲害嘅人。」

每次翻睇精華必然喊到「飛哩啡呢」

談到與郭晉安在劇中的忘年戀，陳曉華坦言刻骨銘心，並謂有時看到網絡上的劇集宣傳或精華，都會忍不住喊到「飛哩啡呢」：「有好多位係好心痛嘅，嗰種心痛嚟得好快，因為方仰天同林澄嘅故事已經刻喺我腦入面。嗰個故事深刻到好似屬於自己咁、變咗一個真實存在嘅回憶。」