移民生活不似預期？港人列9大生活困境：唔係唱衰，只係現實！網民一句道破盲點：冇錢學人移民

港人細數移民加拿大9個現實困境

最近連登討論區上，再有移民海外的港人發帖，他以「老老豆豆，加拿大真係畀香港人吹噓得好誇張～」為題發帖，分享移民加拿大後的個人感受，並列出9個移民加拿大後面對的生活痛點，包括水電煤費貴、外出用餐昂貴、工資增長追不上通脹等問題。

移民加拿大9個現實困境

+6

+5

點擊圖片放大

買到樓唔代表生活好？港人：唔係唱衰，只係現實

樓主指出，不少港人對加拿大生活有過高幻想，但實際情況並非如此理想。但他強調自己並非「唱衰」，只是想帶出很多港人將「住得舒服」誤會成「生活好」，而忽略了其他現實成本。

樓主說：「住屋環境大幅改善，喺加拿大用相對合理價錢就可以租或買到大屋，仲有花園、車位，住得闊落舒服。呢種心理落差好大，好多人就將『住得舒服』放大成『加拿大生活好』，但本質只係香港買唔到樓 → 加拿大終於買到。」

【原帖文】

加拿大已非昔日天堂？網民：香港其實好好住

不少網民贊同樓主說法，認為現時加拿大今非昔比，「廿年前真係唔係咁，老華人會同你講睇住加拿大衰落」、「加拿大係近十年左右變得咁差」，甚至形容是有錢人退休生活的地方。

亦有移加港人指出，如今加拿大樓價大升、失業率高企，對一般中產或打工仔而言壓力不輸香港，甚至更大，「去到退休享受生活可以，但去到搵食，搏事業會食屎」、「根本留港先係最好，大家心知肚明」、「客觀上嚟睇香港其實好好住」。

點擊看網民留言

+8

+7

點擊圖片放大

網民反駁：窮去邊都地獄生活嫁啦

不過，有一派網民認為樓主過於負面，指出每個地方都有缺點，重點在於自己追求的是甚麼。亦有移加港人表示：「你講所有野都岩，但係我係加拿大生活開心啲」。另有網民批評樓主太主觀：「全球都經濟差而家，其實去邊都係比下邊到冇咁垃圾」、「窮去邊都地獄生活嫁啦」、「成篇野淨係睇到，你冇錢又要衝動學人移民」。

點擊看網民留言

+6

+5

點擊圖片放大

眼利網民發現接連出現移民勸退文

有眼利網民發現，指最近本地討論區上接連出現類似文章，內容大多圍繞移民後生活不似預期，紛紛留言「同隔離個『美國Post』8成似」、「幾時出埋澳洲版」、「最近唔係有同一篇文英國ver...」、「依啲文睇到厭，個個星期都見到」。翻查資料，連登討論區今個月的確出現多篇以「老老豆豆，X國真係畀香港人吹噓得好誇張」為題的帖文，除了加拿大，還有英國、美國等，發文者聲稱自己已在當地居住數年，內文上大同小異，主要是列出當地生活9大困境。

來源：連登討論區