除了新iPhone　關於Steve Jobs的新戲你又知唔知？

就嚟就有新iPhone(詳看：「Siri畀個提示我」　Siri對話流出新iPhone發佈日期)，一講你班友無論用家定炒家都好興奮，大家玩電話嘅同時，有冇間唔中都諗下呢部影響世界嘅電話背後嗰個大腦，唔係Siri，係喬布斯。

2013年有部叫由Ashton Kutcher主演嘅電影叫《喬布斯》(Jobs)，講述喬布斯1971年-2000年，即16-45歲嘅人生，不過你以為套戲好猛啦，點知真係令人失望到極點，喺外國影評網Rotten Tomatoes，得4.9/10分，除咗內容誤導失實，劇情亦都好表面，東一忽西一忽，iPhone同iPad都冇提過。如果你想了解喬布斯就千祈唔好睇呢套戲。

到左2015年又有人想挑戰難度，十月到美國就會上映另一套叫《Steve Jobs》嘅電影，由《一百萬零一夜》金像導演Danny Boyle執導，《社交網絡》金像編劇Aaron Sorkin改編劇本，聽到都有返啲信心，仲要今次係有寫《喬布斯傳》嘅Walter Isaacson授權，而《喬布斯傳》係有Steve Jobs授權，故事嘅真確度應該有保證，電影公司之前就發佈咗Trailer，不過似乎就冇咩人留意，尋日又出埋新Poster，香港應該要16年先上，大家對蘋果有興趣就等下先，反正你都忙住炒新iPhone。

資料來源：FB@Steve Jobs