聲秀｜穎喬嚴重失聲仍唱出超驚人感染力 陳潔靈連講兩次「我好鍾意你」
TVB歌唱大賽節目《聲秀》來到準決賽階段、並分上、下兩個回合進行，今集五位評審陣容是陳潔靈（Miss Chan Chan）、陳奐仁（Hanjin）、郭偉亮（Eric Kwok）、雷有輝（Patrick Lui）及周錫漢（Randy）；演唱歌單則為：甄敏芳Jenny《空港》、蕭凱恩Michelle《粉紅色的一生》、胡子貝Matt《老派約會之必要》、周智敏Emily《烈女》；林潔心Bibi《等一個他》、穎喬 Ziva《驗傷》、馮熙燮Ryan《伸縮自如的愛》、柯雨霏 Ophelia《沙門》、布子殷（布子）《潛龍勿用》。
Ziva穎喬嚴重失聲仍唱出超驚人感染力
今集驚喜位絕對是浪接浪！第一位值得重點推介的驚喜，絕對是病到失晒聲但依然狀態大勇、兼且唱出與平時截然不同曲風的胡鴻鈞（Hubert）組穎喬Ziva。予人感覺Rock到爆的Ziva，今個回合轉玩深情Tone獻唱《驗傷》，卻出乎意料地爆出了驚人的感染力，獲Miss Chan Chan連說兩次「我好鍾意你」：「一聽你把聲，我就聽到你把聲係病咗，通常歌手遇到呢啲問題，我係會更加欣賞佢，呢個反而會Enhance咗你唱歌嘅經歷。」
雷有輝：「直情穿透咗我個心」周錫漢：「你嘅Low Range好吸引，可以繼續Explore。」而DJ團對於Ziva在近乎徹底失聲的情況下、仍能唱出這樣的水平大表驚訝：「你第一粒音已好入到我個心，唱完之後我先知你係失咗聲，我覺得你好厲害。」
Michelle首嘗法式Jazz曲風獲譚耀文伴舞打氣
同樣備受病患困擾的學員、還有向來表現穩定的Michelle，據Michelle台上透露 ，她在正式演出前一日、仍發燒至103度，但難得導師譚耀文依然對她充滿信任及信心：「我唔擔心，佢鬥志好強。」Michelle選擇的突破是以Jazz Tone唱出充滿法國風情的《粉紅色的一生》，期間更獲譚耀文落場伴舞打氣，畫面充滿愛。
Miss Chan Chan事後笑言阿譚是其中一樣加分重要元素：「其中有一分我係畀譚耀文嘅，佢頂帽同長褸好係法國浪子。」之後再大讚Michelle：「聲音做得好好」、「你好聰明、好Artistic，前途無可限量。」Randy :「佢真係突破到，我覺得個設計好有趣。」
港生活人氣娛樂新聞
↓ 贏雙紅會名宿親簽周邊！↓
↓分享球賽精彩瞬間，一齊回憶每場球賽熱血沸騰嘅時刻！↓
↓【限時搶⚡】Binggrae SIZE UP咖啡↓
↓香濃順滑牛奶咖啡｜香氣濃郁美式咖啡↓
假日好去處