新聞女王2｜佘詩曼黃宗澤第一場對手戲鬥智博奕首度交鋒連串霸氣金句火花不斷

文: 羅志宏

1小時前

TVB台慶劇《新聞女王²》（新聞女王2）昨晚（11日）一集，強勢回歸新聞現場的Man姐（佘詩曼飾），出動直升機高空拍攝震撼全城！另邊廂，為保SNK龍頭地位，主席方羅麗嫦（龔慈恩飾）要求古肇華Kingston（黃宗澤飾）出動厚酬邀請慧心重返娘家，與此同時，政府新聞主任許詩晴（高海寧飾），及「公開平台」的劉艷（王敏奕飾）亦出招爭奪獨家片段及女王加盟！

四場高智能談判場口各有看點

隨著「女王爭奪戰」爆發，昨晚出現多場「高智能談判場口」，分別是Man姐VS詩晴、Man姐VS Kingston、Man姐VS張家妍（李施嬅飾），及Man姐VS劉艷。四場談判之中，以「KM之辯」最受關注，皆因該場是佘詩曼與黃宗澤在第二季中首度同場飆戲。

劇情講到向來不愛認輸的Man姐，面對SNK主動招手、風騷高調返回娘家打白鴿轉的同時，還與Kingston展開連串鬥智談判博奕，並引爆出連串「如何在職場佔盡上風金句」。

新聞女王2｜佘詩曼搏命演出坐直升機高空開門拍攝花絮曝光八層樓高示範專業演員極致

佘詩曼黃宗澤首度碰頭火花四濺

Kingston與Man姐的談判一開波即直入主題談買獨家片及回巢條件，全程擺出高姿態的Man姐與Kingston一輪拉鋸後，即直達重點：「有起事上嚟我同你邊個話事先？」、「我唔係好鍾意有個唔識做新聞嘅人喺度管住晒」，並無懼Kingston表明若談判告吹、會「一拍兩散」叫勻全行唔買片的操作。Man姐：「你？外行人嚟咋喎，你叫得郁新聞界邊個呀？」

點擊圖片放大

眼見Man姐完全唔畀面，Kingston亦不甘示弱強調身價：「SNK係上市公司，我玩嘅係股價，你唔係諗住報靚新聞，就可以影響股價呀嘛？」眼見未能佔盡上風，Man姐一邊冷笑、一邊拂袖離座：「咁你諗定點同阿姐交代點解喺手指隙漏甩我吖」，並邊說邊極有霸氣地轉身高舉手機指著Kingston，而Kingston則一面輕鬆兼輕佻飲住奶等食花生。

黃宗澤飲奶樣搶鏡網民推新潛力圖

在第一集中憑尖酸涼薄對白贏得網民力推做潛力圖的Bosco，在這個場口的「輕佻衰格飲奶樣」再度撼動網民，力推成《新聞女王》系列最新潛力圖，大有機會與「珍珠奶茶飛爺（鄧智堅飾）」匹敵。網民留言：「飲盒奶都飲到咁摟打」、「賤得好睇，突破過《幕後玩家》」、「黃宗澤做妖妖地嘅反派幾好」。

新聞女王2｜演員陣容/角色介紹/人物關係一文整理新角色幾時出場？

Man姐佘詩曼連串職場金句交鋒

另一場Man姐與上季宿敵張家妍碰頭的場口，亦是字字珠璣。張家妍步入Office一見到Man姐與同事開心聚舊，即大聲擺下馬威宣示主權：「做咩圍晒喺度呀？」接住再問Man姐：「咁錯蕩呀？」Man姐則笑著接招反擊：「知唔知『良將手下無弱兵』下一句係咩？…係『強將手下盡庸才』，啫係唔駛吓吓高壓管治嘅，一啖砂糖一啖屎先得民心，話咗你係『辦公室政治BB班』架啦！」二人你一句我一句互不認輸後，Man姐先行離開，臨走前不忘強調自己地位：「同埋...如果我返嚟嘅話，Title一定唔會係副，而係正！」二人全程雖然誰也沒有表現激動，但卻火藥味十足。