獲派新公屋都唔要？港人堅持住返30年樓齡舊公屋！因1點超開心如中六合彩

東涌公屋太「山卡罅」？港人2原因堅持要石籬舊樓

近日，一名港人在Facebook群組「公屋討論區」發帖分享上樓經歷，表示自己公屋首派的是東涌新落成單位，但因地點偏遠、交通費昂貴，最終選擇放棄。事隔一個半月，他再收到公屋配房信，二派石籬一邨石秀樓一個2至3人單位，單位面積約260呎，他坦言「諗都唔諗要咗」。

+4

+3

點擊圖片放大

樓主其後親身到單位視察，才發現「30幾年樓齡、舊樓、仲要低層」，並上載了幾張照片跟網民分享屋內狀況。從照片可見，單位為舊式公屋設計，牆身顏色為黃色，只有石屎地板，一進門已是廳房，廁所及廚房都在陽台位置。雖然空間不大，但勝在方正實用、採光良好。

他笑言雖然單位較殘舊，但並不介意：「最多洗多少少錢重拆再裝修靚啲」，同時大讚邨內交通方便，樓下有巴士直達葵芳地鐵站，又有小巴往沙田、大圍及荃灣，「諗起放棄東涌山卡罅係正確，因為交通費加加埋埋都蝕」。他又表示，「本身就係葵青荃長大同讀書，真心感恩可以住返同區」，感覺猶如「中六合彩二獎」。

點擊圖片放大

原帖文

網民齊賀入伙 激讚石籬好住：交通方便、配套成熟

帖文一出，隨即在網上引起關注，網民留言恭喜樓主，紛紛認為他「決定正確」，並留言寫道：「石籬真係好住呀，買嘢，食野都方便」、「返工放工方便出入」、「起碼物價會平過東涌」。不少人認同樓主選擇熟悉的地區，「最緊要近屋企人、自己鍾意」，同時又提醒他不用豪裝單位，認為「住10多年樓齡50年可能又等拆，租平，可儲錢」。

點擊看網民留言

+5

+4

點擊圖片放大

網友嫌舊樓難住：都係東涌好

不過，亦有部分網民持相反意見，直言若獲派石籬「我真係唔會要」。更有網民指出，東涌公屋設施新淨，區內工作薪酬福利好，而且未來交通亦會更便利。相反石籬地勢高、行上行落不便，更直言「石籬其實唔係好方便」、「全都係阿伯阿婆多」。

點擊看網民留言

• 派石籬，我真係唔會要
• 每個人嘅心儀都唔同啦，我派到東涌新樓嗰一刻，開心都嚟唔切
• 第一東涌較新，第二東涌、機場附近人工比市區高，因為搭車比較麻煩，你住東涌反而比較方便
• 我就係住東涌，很好住，搭車係貴少少，但又唔係負擔唔倒，過幾年隔離就有MTR
• 石籬其實唔係好方便，石秀山上要行落去
• 全都係阿伯阿婆多，都係東涌好

網友憂舊樓滲水問題 樓主：有屋住已經係贏家

此外，有網友留言詢問：「翻新左？段片洗手間渠天花好似滲水咁？」樓主則回覆，早已預計舊樓會有狀況，表示已要求房署主任跟進。他對單位整體十分滿意：「我預咗係會舊樓，但係感恩真係石離，因為我屋企人就係住喺附近，勁方便」。最後他又補充，指石籬一邨無論是通勤車費、物價也完勝東涌，雖然單位狀況較舊，但他認為自行裝修「靚仔啲」即可長住，並強調：「舊樓好過無，有屋住已經係贏家」。

來源：Facebook@公屋討論區