為結婚逼子女放棄公屋？單親媽行為遭網民鬧爆戀愛腦：為男人放棄自己仔女？

為結婚放棄公屋？單親媽棄屋+要求子女搬走

一名女網友在Facebook群組「公屋討論區」發文求助，表示自己與哥哥及單親母親同住公屋。最近母親計劃與男友再婚，由於男方已有自置物業及一名兒子，因此母親婚後決定不會與兩兄妹同住，並打算主動交回公屋。

更令樓主不安的是，母親以自己是「公屋戶主」為由，要求兩兄妹在她結婚後必須一併遷出：「呀媽話佢嫁左之後公屋要除名（因為佢係戶主），我同呀哥都要搬走唔可以再住公屋」。樓主表示對房署規定並不熟悉，擔心自己突然失去住所，因此在網上求助：「想問下咁既情況我地係咪真係一定要搬走？」

網民批無情：為結婚放棄公屋？

帖文一出，隨即引發網民熱烈討論，不少人直言樓主母親做法欠考慮，甚至忽略子女處境，「正常重視仔女就唔會結婚，同居咪得」、「為咗結婚搞咗冇咗間公屋，人哋同佢分手乜都冇晒」。亦有人提醒，男方本身已有物業及子女，直指樓主母親絕不會因此受益：「佢老公都有仔女，你估佢層樓會俾你阿媽咩」。

點擊看網民留言

+5

+4

點擊圖片放大

公屋可轉戶主？樓主嘆：阿媽堅持話唔得...

有網民即時提出關鍵問題：「你夠咗18歲沒啊？夠咗就可以做屋主」、「可以轉戶主，前題係你/阿哥成咗年」。樓主其後補充，表示她與哥哥均已成年並有穩定工作，但母親堅信「公屋冇世襲制」，拒絕接受子女成為新戶主的可能性：「好堅持話我哋一定要搬走...咁我又唔識呢D野，所以先想請教下大家。」

不少網民解釋，所謂「無世襲」並非不能由子女接手公屋，而是必須通過房委會的入息及資產審查：「無世襲是因為要做資產審查，合格才可繼承」、「資產、收入唔超限額，就可轉名」。亦有不少留言安慰樓主毋須太擔心，強調房署一般會按實際情況處理。

錯過時機恐被收樓？網民：帶埋佢去搵房署主任啦

不少網民擔心若樓主母親一旦結婚，其家庭狀況改變可能觸及「有物業」的審查規定，最終導致公屋被收回，屆時兄妹或會失去居所，「分分鐘被收屋，你地屋都無得住」。因此紛紛建議樓主盡快行動，「直接打去房屋署問啦」、「拿拿林去辦事處問，你亞媽未嫁前好轉名」、「問下房屋署點樣處理你哋情況」。

點擊看網民留言

• 帶埋佢去搵房署主任就得啦，唔使同佢拗
• 同阿媽商量，唔可以貿貿然除名，我唔明白你阿媽點會唔考慮子女嘅處境
• 直接打去房屋署問啦
• 去問下主任穩陣，無特別理由轉戶主唔易
• 問下房屋署點樣處理你哋情況
• 你拿拿林去辦事處問，你亞媽未嫁前好轉名，嫁左唔刪名，男人有物業，分分鐘被收屋，你地屋都無得住

網民分享轉戶主經驗 提醒要注意一件事

亦有人分享親身經驗，證明轉戶主並非難事：「我朋友又係媽咪再婚，同你情況差不多，成功將間屋轉名比個囡」。不過也有網民提醒，要預先商量兄妹誰做戶主，未來若結婚或分戶可能引發爭拗：「同阿哥商量邊個轉做戶主都好困難㗎，好難公平處理」、「要考慮吓之後會唔會結婚同埋邊個做戶主，唔好話之後有爭執又話要分戶」。

網民分享親身經驗

點擊圖片放大

房署規定：家庭狀況有變須立即通知

據房屋署資料，公屋單位只供戶主和名列在租約上的家庭成員居住，如因出生、死亡或其他情由引致家庭狀況有變時，戶主必須立即通知所屬屋邨辦事處/分區租約事務管理處，並根據現行政策和程序作出相關申請，以便更新有關記錄。

公屋轉新戶主須通過2大審查

據房委會資料，若公屋戶主去世或遷出後，而戶籍內並無前戶主的在生配偶，已登記戶籍的一名年滿18歲認可成員，可申請成為該單位的新戶主，但須通過「全面經濟狀況審查」（包括入息及資產審查）及「住宅物業權審查」，才能獲批新租約，以及釐定所須繳交的租金水平。

2025年4月1日起限額：

若申請人不能通過「全面經濟狀況審查」，即家庭總入息超逾公屋入息限額5倍及家庭總資產淨值超逾公屋入息限額100倍，或不能通過「住宅物業權審查」，即申請人及/或其家庭成員持有任何香港住宅物業，便無法成為公屋單位新戶主，須遷出公屋單位。

來源：Facebook@公屋討論區、房屋署