海兒男朋友｜海兒被肥媽衝口而出踢爆有男朋友！尷尬窒機反應全曝光：「唔講得㗎」

肥媽心直口快洩海兒感情狀況

一向心直口快的肥媽繼續「有嗰句講嗰句」的本色，談及海兒的生日願望會否是「嫁得出」時，肥媽繼續滔滔不絕，愈講愈多，愈爆愈多料！海兒的態度原本相當含蓄，面對話題保持微笑，講了一句「咁有得嫁一定係好事啦」，之後肥媽對著鏡頭喊話：「聽唔聽到呀？個個都話佢唔想嫁住，你都傻嘅！人哋或者想嫁呢，原來真係想！」

驚呼「叫佢男朋友識做」

當主持繼續追問海兒的追求者是否很多人士，肥媽繼續插嘴衝口而出，突然說出：「咩好多姐！人哋有男朋友！我叫海兒男朋友識做！」此言一出即震驚全場，肥媽意外踢爆海兒原來早已名花有主。

海兒被爆拍拖瞬間陷入尷尬

一臉尷尬的當事人海兒即時窒機，吞吐一句：「唔講得㗎」。雖然未知是否開玩笑，但自知「爆響口」失言的肥媽隨即嘗試「補鑊」，笑稱：「係唔講得㗎，佢有男朋友！我頭先冇講過」，場面既尷尬又惹笑，令海兒的感情狀況意外成為全場焦點。

立即投選您心目中的第二屆年度男神女神👑

又嚟到年尾，係時候 wrap up 一下！