尋秦記電影｜古天樂現場寸爆主持區永權！最後一句窒到口啞啞 林峯O嘴表情成焦點

古天樂宣傳《尋秦記》當眾寸爆主持區永權

區永權在節目中安排了《尋秦記》常識問答環節，第一條問題問及「項少龍最喜歡什麼飲品？」。古天樂聽罷隨即寸爆回應：「原來項少龍喜歡飲嘅飲品係常識嚟㗎？即係唔識答就冇常識啊？」雖然區永權解釋這屬於「冷知識」，不過古天樂繼續追擊：「你對呢部戲認識有幾多呀？」令區永權略顯尷尬，只能重申是電影相關的冷知識。

現場火藥味濃！寸爆區永權常識問題

此時，林峯和朱鑑然被眼前充滿火藥味的一幕震驚，兩人「O嘴」對望。見氣氛尷尬，古天樂主動打圓場笑言：「你咁鍾意寸人啊啦」，令眾人開懷大笑。區永權伸手安撫古天樂指「點啫古生」，古天樂揮手表示「無事無事」，隨後宣萱做出可愛手勢搶答：「ICE LEMON TEA！」，成功化解危機進入下一題。

古天樂再展「寸嘴」本色

來到最後一條問題：「當年使用什麼球來拍攝蹴鞠場面？」古天樂秒答是「排球，擺咗啲沙入去好似係」。不過區永權在播放影片「對答案」時半信半疑，認為球的紋路更似籃球。古天樂隨即反駁：「你望真啲！排球嚟㗎！」林峯亦加入戰團力撐古仔：「籃球咁踢法隻腳都斷啦大佬！」

補刀「咪無常識囉」惹爆笑

眼見區永權依然半信半疑，古天樂再出招寸爆對方：「係啊我無拍過呢部戲，你（區永權）拍㗎嘛嗰時，仲清楚過我。」引發全場爆笑。區永權唯有打趣自救指「側邊嗰個咪係我嚟㗎囉」，並認同答案是排球。此時古天樂笑著再補一刀：「咪無常識囉」，場面惹笑。

來源︰TVB娛樂新聞台