公屋 vs 居屋3大優缺大比拼！長住公屋定用抽綠表好掀兩極討論！網民：3類情況下一定上車

長住公屋定用抽綠表好？港人一問掀熱議

該名港人以匿名方式於Facebook群組「香港公營房屋討論區」發帖，僅以一句「今時今日，長住公屋好啲？定用公屋抽綠表好啲？」便引發大量回應。樓主未有交代自身家庭狀況或收入水平，但問題正正戳中不少公屋住戶的現實處境，迅速引來網民熱烈討論。

撐買居屋派：3類情況下一定考慮上車

網民留言兩極，有人認為是否買居屋，關鍵在於個人及家庭經濟狀況，直言一切「睇個人經濟及原因而定」。亦有人表示「抽到就買」，但只會考慮面積較大的單位。此外，亦有不少人提醒需考慮日後會否成為公屋富戶，指出富戶租金愈來愈高，程序亦相當繁複，「要走嗰啲人多數都係富戶」，若已預計入息會上升，不如提早以綠表購入居屋。

即睇網民留言

+8

+7

點擊圖片放大

網民列居屋3大優點

支持購買居屋的網民普遍認為，最大優點就是擺脫房署的入息及資產審查，「最煩公屋定期要審查」、「唔怕入息審查，可以搵十幾萬一個月，揸百幾萬嘅車」。亦有網民提到，居屋住戶毋須擔心突擊家訪，即使外遊數月亦無後顧之憂，相對整潔，管理問題較少，成為另一個加分位。

住居屋優點｜1.毋須擔心入息審查

+4

+3

點擊圖片放大

其他住居屋優點

點擊圖片放大

拒買居屋原因曝光！2類人住公屋最穩陣

不過，亦有不少網民認為並非人人適合買居屋。有人指出，若家庭月入僅約5萬元，繼續留在公屋才是最好選擇，「買樓好煩，你保不保證成家人不會失業？」亦有網民提醒，接近60歲或本身公屋租金極低的人士，其實毋須冒供樓風險，除非居住地點極為不便，否則「淨交租就得，乜都係唔使理」，反而生活更輕鬆。

即睇網民拒買居屋原因

+4

+3

點擊圖片放大

網民狠批3大缺點：都唔知居屋有咩好

至於居屋的缺點，同樣成為討論焦點。不少網民狠批近年新建居屋「冇生活質素」，間隔與公屋幾乎一樣，單位細、限制多，甚至出現漏水問題，直言「居屋同公屋同款，咁你買居屋嘅原因係咩？」

有網民對比舊式居屋，認為早年居屋「間屋四四正正，地方大又見使」、「真係平過私樓好多」。不過居屋樓價亦不便宜，仍需額外承擔管理費、維修費及差餉，整體性價比備受質疑。

居屋缺點｜1.與公屋幾乎無異

• 你去皇后山參觀下皇后山村同埋山麗苑，居屋同公屋同款，咁你買居屋嘅原因係咩？
• 最慘而家居屋冇生活質素、冇樓宇質素，同公屋間隔又冇咩分別

居屋缺點｜2.新建居屋大不如前

• 依家起啲屋咁細間，4-5人單位得一個廁所
• 最弊拆唔拆都漏水呢
• 政府成日叫人向上游，你間屋又整到又細，廚房廁所仲話唔俾拆，都唔知居屋仲有咩好

居屋缺點｜3.居屋樓價以及管理維修費用

• 早幾十年居屋我覺得還可以，但近十年八年居屋價都唔平，一樣要夾錢維修，俾差餉管理費等等，值唔值真係見人見智
• 依家啲居屋間隔成公屋冇分別，價錢一啲都唔平毫不吸引
• 以前80、190嘅年代，買居屋真係平過私樓好多，間屋四四正正，地方大又見使，而家最新啟德啲新樓就明白我意思

來源：Facebook@香港公營房屋討論區