租樓勝過買樓？港人列租樓五大優勢惹熱議！網民反應兩極：講到業主咁折墮

租樓有5大好處？樓主：大維修圍標都唔關我事

有港人在香港討論區以「其實做JOJO，真係有好多好處」為題發帖，直言做租樓一族其實「好處多多」。他指出，租客可每隔兩年搬屋，轉換居住環境，毋須一世綁在同一單位；同時亦不用承擔差餉地稅、管理費加價，以及大廈大維修等開支，笑言「乜都唔關我事」。

樓主又提到，若業主遇上交通意外或遭「撞車黨」索償，潛在風險及責任遠高於租客，甚至形容「隨時屈你幾十萬，我就隨時破產走數」。他認為，租樓最大優勢在於「彈性大」，單位出現問題可直接通知業主處理；即使偶爾遲交租仍有商量空間，與供樓相比起來，壓力明顯較低。

樓主列「租樓一族」5大好處...

+4

+3

點擊圖片放大

1. 隔兩年換新地方，周圍住下，你買樓就一世
2. 差餉地稅，管理費年年加，大維修圍標又幾十萬，乜都唔關我事
3. 你有樓撞車黨隨時屈你幾十萬，我就隨時破產走數，吹咩
4. 一個唔高興call業主上來整呢樣嗰樣，你收租你就收氣了
5. 周不時遲交租，你氹到我咪準時啲囉，但供樓冇得遲

網民力撐樓主：租樓日日賺

帖文引來大批網民附和，不少人留言稱「租租先係大贏家」、「租樓日日賺」，認為只要手裡有錢自然不愁租不到單位，甚至笑言「到時業主求你租」。更有網民分享個人經歷，指2020年原本有意以700萬元置業，最終選擇將資金轉作投資，現時資產已增至逾2,000萬元，，認為資金靈活運用較為重要。

即睇網民留言

+4

+3

點擊圖片放大

自置物業勝在穩定 部分網民堅拒做租屋一族

但亦有網民持相反意見，認為租樓雖然彈性較高，但自置物業帶來的穩定感難以取代。有人認為，一旦業主加租、不續租或放售單位，租客便需另覓住所，搬遷成本同樣不低。亦有留言強調，不少香港人正是透過買賣地產物業累積財富，直言「有無聽過租樓會發達？有無聽過定存會發達？」質疑單靠租樓難以建立長遠資產。

網友堅拒做租屋族原因

+6

+5

點擊圖片放大

樓主一言論成導火線 網民諷：記得準時交租

樓主一句「不時遲交租，你氹到我咪準時啲囉」更成為討論導火線，不少網民語帶諷刺回應「係嘅係嘅，不過唔該準時交租」、「準時交租就得，無你幫我供樓，我點發達」，甚至揶揄「樓市就係需要呢班正能量租租」、「希望呢度班租租既子子孫孫，世世代代都一路做租租」。更有網民建議樓主若認為租客最有優勢，不妨考慮申請公屋，並戲言「只俾人地管理費一半，就租住到市區樓」、「一個價錢全包雜費，廿萬豪裝完全KO新私樓」。

即睇網民留言

+3

+2

點擊圖片放大

來源：香港討論區