抽濕機抽極唔乾？專家揭1個致命錯誤：等於同全香港交換濕氣！附慳電大法
【家居 / 潮濕 / 抽濕機】天文台預報濕度飆升至 95%，又到抽濕機出動的時候。但你有發現，明明部機已經「日抽夜抽」，但水箱依然只得半桶水，而且電費直線上升？最近有電器專家在 Threads 爆料，原來好多香港人都犯咗一個致命錯誤，令抽濕機長期高功率運作。想抽得快又慳電費？即睇專家教路正確擺位大法，加埋呢部機一齊用，乾爽速度快1倍。
天氣潮濕 最怕抽濕機「抽極唔乾」或「好食電」？
回南天將至，香港天氣又回到潮濕的季節。根據天文台未來天氣預測，顯示星期五至下週（2月27日至3月4日）將持續下雨，相對濕度高達 90 - 95%，抽濕機絕對是每家每戶的救星。
不過，每次一開抽濕機，網上都見會有不少人都會抱怨部抽濕機「抽極唔乾」或者「好食電」。最近就有電器專家在Threads 分享，其實抽濕機本身並不「食電」，反而是用家的使用習慣出事！
錯誤習慣：門窗照開 等於同全香港交換濕氣！
專家指出，不少人都開足一整日抽濕，但水箱都只得半桶水，然後最常收到用家投訴「部抽濕機好廢」、「好食電」。但原因並不在於抽濕機，而是不少人都犯了1個錯誤「開住抽濕機但門窗照開」。
專家解釋，抽濕機必須於封閉空間入面運作才會有效，如果門縫漏風、或者窗戶開少少，就等同「一路抽濕，一路同全香港交換濕氣」，機器長期處於高功率運作，電費自然會上升。
擺位大法：切忌貼牆角
除了要關好門窗，專家亦提到抽濕機的「擺位」同是事半功倍的一大關鍵。好多人怕阻礙地方，會將部機塞放置於牆角或櫃邊，反而會導致空氣不流通，影響抽濕效能。
正確做法：將抽濕機放於空氣流動較好的地方，例如房間/客廳中心位置。
注意距離：專家提醒抽濕機忌貼牆角，要確保背面及兩側有足夠空間散熱、吸氣。
3招抽濕機慳電大法：抽濕機+對流風扇
有網民就同意專家所講，並留言「開埋風扇乾得仲快」、「抽濕機+對流風扇係皇道」。如果想再提升抽濕機的效率，可以考慮配合埋風扇或循環扇使用，促進室內空氣流動，加快抽走濕氣。
最後提醒大家必做以下3步，學識抽濕機慳電大法：
- 定期清潔隔層網：定期清潔抽濕機，特別是隔塵網，灰塵就不會阻礙空氣流動，便可用較短時間達到理想除濕效果。
- 閂好門窗：如果無閂好門窗，室外濕氣好容易進入室內，影響抽濕速度及效果。
- 抽濕機配合風扇使用：風扇可加快抽走濕氣，達到慳電效果。
資料及圖片來源：CLP 中電 、Threads@bbe.hk、Canva、香港天文台
抽濕機擺放牆角危險？開抽濕機前做漏1步險釀火災！台電教7招用抽濕機更安全
回南天一到，抽濕機又出動啦！不少人開抽濕機後，都會將抽濕機推到不佔空間的角落、牆邊位置，但原來這樣做，抽濕機的除濕效果有可能大打折扣！亦有傳與抽濕機共處一室會「傷人」，究竟是真是假？台灣電力公司就為大家拆解當中成因，並提醒各位使用抽濕機前需注意1步驟，以免釀成火災。
港生活人氣本地熱話
【免費送🎡】免費送100FUN樂滿紛室內遊樂場親子套票！
↓【限時搶⚡】香烤魷魚味波浪薯片↓
↓咸鮮味逼人｜波浪切割更香脆↓
假日好去處