江美儀離婚10年親揭一原因拒絕再婚 罕談感情唔想孤獨終老：有仔女更好

《名媛望族》重播意外走紅

憶及當年《名媛望族》播出時與今天反應兩極，美儀形容為「無諗過」及「好奇妙」。「當然記得俾人鬧爆『黑絲儀』，又話我『重口味』教壞細路，幾十歲人仲搞埋啲咁嘅嘢。嬲？當年仲細，睇留言區會有唔開心，亦擔心會影響收視。而家有咁嘅回響無諗過，亦唔係乜嘢平反，我形容係個好勵志嘅故事，因為你嘅付出，唔知幾時有人留意到你嘅努力，就要時刻唔好鬆懈，演好每一個作品。」

被鄭則士點醒開竅

「三姨太」熱潮更令美儀的亞視舊作全被翻煲，大讚她演得好。她97年一入行即夥拍影帝鄭則士主演劇集《肥貓正傳》，原來美儀的演技全因被影帝嚴厲指導後才開竅。她回憶：「唔係講笑，佢真係鬧，但就係想你好嗰隻，最初又閙我擋住啲光同唔識就機位，我拍開廣告點會識？真係有一次，我匿上車想喊，但我同自己講：『你個死肥佬！我就要做到有一日唔會畀你鬧！』之後就打醒十二分精神，每事都問清楚佢，到今日我哋都仲係好朋友。」

+2

點擊圖片放大

+2

點擊圖片放大

得罪幕後數年無劇可拍

江美儀2009年轉投TVB，2013年已憑《衝上雲宵2》奪得「最佳女配角」，但之後曾被指囂張、乞人憎，經歷過不少高低潮。她自評：「我直腸直肚，個樣串串貢，唔識修飾，就會得罪人，有時得罪人咗人都唔知。」原來在2017年首孭女一的《親親我好媽》後，因為得罪幕後，數年無劇可拍。

離婚後對婚姻再無憧憬

於事業低潮時同時遇上婚姻問題，江美儀坦承情緒曾一度爆煲，幸獲阮兆祥介紹而信佛，再靠宗教及運動走出情緒低谷。問及單身九年的江美儀是否仍對婚姻有憧憬，她說：「婚姻無憧憬啦！件事太複雜啦，但邊個唔想有個伴？結婚複雜嘅原因，唔只係兩個人嘅事，係涉及兩個家庭，你要兼顧好多嘢。」

直言不想孤獨終老

雖然不考慮再婚，不過她亦直言不想孤獨終老：「既然我已經試過結婚，就試吓啲唔需要結婚啦！九年來真係無人出現過，條件真係無乜所謂，總之唔好孤獨終老。年紀大過我細過我都得，有仔女更好，我好鍾意細蚊仔，最緊要溝通到，三觀一致。」

+2

點擊圖片放大

+2

點擊圖片放大