51歲徐榮驚爆肝臟嚴重出事！「老婆都話我面色唔好」網民集氣早日康復
現年51歲的TVB男藝人徐榮，早年憑處境劇《愛．回家》中飾演「馬強」一角成功入屋。他在2006年與太太Kathy結婚後，育有一名19歲大仔及10歲細女，絕對是圈中的模範好爸爸。不過，日前徐榮在社交平台發文表示自己肝臟出事，更屬於嚴重程度，直言「老婆都話我面色唔好」。
徐榮肝臟出事屬嚴重程度
日前，徐榮在社交平台透露早前獲廣告商贊助進行驗肝項目，由於他已有一段長時間沒有進行詳細身體檢查，便二話不說答應接拍，怎料報告結果竟揭發他患有嚴重脂肪肝，令他極度驚訝直呼：「我又唔係肥又有做運動都中？」
剖白捱更抵夜辛酸史 壓力大食無定時惹禍
徐榮憶述自從囡囡「包包」出世後，為了賺取更多金錢栽培一對子女，便將工作日程排得密密麻麻。他坦言「相信好多爸爸都想搵多啲錢栽培自己子女，睇返啲相諗返起包包出世冇耐，自己真係有咩劇都接，有咩job都做，掛住做野係好少理自己身體」。
除了過度操勞外，他認為患上嚴重脂肪肝的致命傷，絕對與長期壓力大、經常熬夜及食無定時有關係。他透露早前身體其實已經出現明顯端倪，經常感到「滯住滯住消化唔到」，連太太亦曾出言警告指他的面色極度差劣，響起極大健康警號。
網民集氣祝福早日康復
徐榮現時已經積極展開針對性治療，並承諾未來會更加注重健康作息及工作平衡，決心戒掉昔日捱壞身體的壞習慣，更滿懷希望地表示期待半年後再次驗肝時，能夠獲得一份理想的健康成績表。
不少網民亦祝福他早日康復，健康陪伴仔女成長「快啲好返啊！」、「健健康康先可以陪仔女」、「好彩發現得早，慢慢調節作息」。
來源︰IG@tsuiwing0807
港生活人氣娛樂新聞
【免費送🎁】Cetaphil舒特膚高效清爽低敏防曬啫喱☀️
↓ 無油啫喱質感清爽不黏笠💧立即登記 ↓
《U GO》請您去Central Yards中環藝嚐展！
↓一齊開展一場睇得👀又食得😋嘅藝術展覽啦↓
假日好去處