公屋獲派天水圍6人特大單位！網民力勸港媽不要搬：要咗會後悔一世？

首派天水圍大單位 港媽憂小朋友跨區返學太遠

該名港媽在Facebook群組「香港公營房屋討論區」發帖表示，一家六口輪候公屋後，首派獲分配天水圍天悅邨一個大單位。不過，她對是否接受單位感到「心大心細」，原因是家中子女目前在沙田就讀中三，若搬到天水圍居住，每日上學可能需要提早數小時出門，擔心搬遷後會影響子女學習及生活作息，因此向網民尋求意見。

點擊圖片放大

有人建議轉校解決 港媽一原因唔想子女轉校

帖文引來不少網民留言，部分人認為問題其實不大，只要讓子女轉校即可。「咁睇你荷包嘅啫，如果唔急嘅咪再等吓囉，如果急嘅上樓轉學」、「其實轉校咪得，當然天水圍無幾間好學校就真」、「接受，然後小朋友轉校」。

不過港媽其後補充，指當初申請公屋時其實打算「搏下粉嶺」，亦擔心被派往東涌，指「朋友話擴展好多三次都派東涌」，因此才選擇輪候新界區公屋。她又透露子女目前就讀Band1學校，「翻緊Band1，轉校轉翻Band1又唔容易，太難啦」，擔心轉校後難以找到好學校，因此更令她難以決定。

網民質疑揀錯隊 一律建議「轉擴展」

另一批網民則認為樓主問題源於「揀錯區排隊」，指出沙田其實屬於擴展市區公屋編配範圍，若子女在沙田讀書，理應選擇擴展市區輪候。亦有人提醒，如果今次拒絕，下一次編配未必更好，「今次拒絕，之後好大機會屯門」，紛紛建議她及早從「新界」轉排「擴展市區」公屋。

即睇網民留言

+6

+5

點擊圖片放大

天悅邨竟是筍盤？網民提醒好屋難求

有網民認為天悅邨其實屬於不錯的公屋選擇，「天悅位置好」、「天水圍交通叫方便，住邊條邨都有車」、「間屋仲大過人地居屋800呎」，甚至直言是「筍盤」，不應輕易放棄。在交通方面，亦有網民指出天悅邨巴士站有路線可直達沙田，例如269D巴士可一程到達，又認為中三學生已經長大，已經可以適應較長通勤時間並非難事，「大把人要一個幾鐘返學架啦，更何況中三咁大」。

應優先考慮子女學業？網民：轉左會後悔一世

不過，有不少網民持相反意見，直言「天水圍梗係唔要！以後除咗番工番學就係坐車，時間就係生命」。亦有人認為在子女正值升學關鍵期時，不應因公屋而影響學業，若子女已在區內就讀理想學校，中三轉校風險較高，「讀緊沙田區好既學校千其唔好轉學校，中三好關鍵，情願辛苦啲走讀」。

即睇網民留言

+6

+5

點擊圖片放大

有網民分享親身經歷，「我二派天悦冇要，小朋友係大埔返學唔方便」、「萬一轉左唔好既，你會後悔一世」。同時指出跨區上課並不是一件容易的事，實際交通情況或比想像更辛苦，例如269D早上繁忙時間可能十分擠塞，而屯馬線亦未必有座位，「每日來回差不多3粒鐘，衰過過海」。

即睇網民親身經歷

+2

點擊圖片放大

來源：Facebook@香港公營房屋討論區