臥底嬌娃｜李海銅IG身份背景大起底！被封「藝訓班班花」曾係ViuTV女團？

李海銅火力全開展現Gfable一面

擁「藝訓班班花」美名的李海銅雖仍是新人，但昨晚卻幾乎擔起整集劇，火力全開展現Gfable一面，大晒甜美聲線、溫柔眼神、冧豬甜笑和可愛扁嘴，再加上對奕風千依百順、善解人意，入得廚房又出得廳堂，堪稱「絕世好女友」。

網民對於李海銅的演技亦是有讚無彈，由於李海銅與阿東發展的是「電話情緣」，故有不少場口李海銅只能靠聲線表達，但難得李海銅全程單憑聲音亦演繹自然，而且散發著強烈的溫柔感，令不少網民大嘆「沉晒船」。

細膩演技獲洗版式好評

加上李海銅身穿休閒家居服為馬貫東下廚的一幕，配以劇組悉心安排的「真‧女神」風，成功將「班花」實力發揮到極致，獲洗版式好評，一夜之間熱爆網之餘，IG Followers人數更由原本的16,000激增至19,000，短短三小時內升幅高達20%，潛力絕對不容忽視！

+4

+3

點擊圖片放大

感激馬貫東貼心指導

李海銅接受訪問時感激馬貫東無私犧牲休息時間貼心指導：「今次係同阿東第一次合作，佢好好呀，佢雖然本身個拍攝日程都好tight，但佢寧願犧牲自己返屋企休息嘅時間，放咗工都會陪我繼續討論點樣夾。雖然佢經驗豐富過我，但佢都好尊重我嘅意見，大家真係會拋晒所有idea出嚟討論，去夾一個大家認為最好嘅演繹，同埋好感謝佢喺討論嘅過程中教識咗我好多嘢。」。

+2

點擊圖片放大

自爆屬易肥體質 需要節制飲食

李海銅更透露自己屬易肥體質，故每次拍劇前都要節制飲食：「D朋友叫我肉肉臉架！其實我係好容易肥，一食就好容易肥，所以真係要特登keep，而且每次都係肥塊面先。仲要因為上鏡係會比起真人拉橫咗，所以一開劇，我都盡量食得好清淡或者有時要節食。」。

「真‧女神」風場背後笑料百出

談到昨晚「真‧女神」風場口截圖在網上瘋狂洗版，李海銅笑指背後笑料百出：「嗰一場戲其實都真係拍得幾搞笑，因為我係第一次被吹風機兜面吹，平時睇劇見到啲女演員同事喺吹風機效果吓勁靚，但到我自己試嘅時候，其實係NG咗幾次，因為啲風一吹埋嚟，我表情就管理唔到，一係合埋咗眼，一係面容因為食咗啲風有少少扭曲。」。

曾係ViuTV女團？

據了解，李海銅畢業於香港理工大學，在2021出道，曾出演ViuTV單元劇《YOLO的練習曲》，後來加入無綫電視藝員訓練班，當時已被封為「藝訓班班花」，後來得到力捧，曾參演《麻雀樂團》、《反黑英雄》、《刑偵12》及《新聞女王2》等劇集。