連登仔讚荃灣西規劃「世一」完勝啟德？4大優勢引共鳴 網民揭2大隱藏敗筆

荃灣西規劃「世一」4大優勢完勝啟德？街坊：海濱已經唔臭

樓主在連登討論區以「荃灣西規劃算唔算數一數二」為題發文，極度欣賞該區的社區配套，並列出了以下 4 大屈機優勢，認為荃灣西是香港真正的中心點。

優勢 1. 中產私人屋苑林立

樓主指出，西鐵路附近全為中產私人屋苑，包括海之戀、柏傲灣、全城匯、萬景峯、環宇海灣等。不過，有網民隨即點破：「祈德尊新邨唔計公屋？」、「你自己查吓係咪公屋？」

​

事實上，祈德尊新邨是房協轄下的綜合屋邨，包含了「住宅發售計劃」及「甲類出租屋邨」用途 ，雖然不算是純私人屋苑，但該區整體的確極具中產格局。

優勢 2. 無敵天橋網絡連接各大商場

「天橋連接晒大半個荃灣既商場，方便程度唔洗多講！」荃灣素有「天橋之城」的稱號，其行人天橋網絡由多組架空通道組成，以荃灣站及荃灣西站為中心。居民出入買餸、食飯、搭車，全程都可以「有瓦遮頭」，免受日曬雨淋之苦。

優勢 3. 社區配套完善、體育館大會堂齊備

除了商場林立，荃灣西的社區康樂設施同樣充足。樓主大讚荃新天地附近有大會堂，柏傲灣旁邊亦有超大型的荃灣體育館。更有網民留言補充：「荃灣係香港真正中心點，功能最齊全，交通最完善，有山有水嘅地方」、「咩商場都有」。

點擊圖片放大

更有網民留言補充：「荃灣係香港真正中心點，功能最齊全，交通最完善，有山有水嘅地方。」

優勢 4. 海濱長廊已「除臭」變靚

過往荃灣海濱的臭味問題一直為人詬病，但樓主平反指：「有荃灣公園超大休憩空間，又有靚海景海濱長廊（最近兩年做緊優化工程，其實已經唔臭，住開果頭就知）。」政府近年積極修復荃灣渠道，在 2024 年底前已成功將海濱污染量大幅減少八成，氣味問題得到明顯改善 。

​

網民反擊：揭荃灣西 2 大隱藏敗筆

雖然樓主將荃灣西捧上天，但都有部份網民及街坊留言點出該區的「伏位」，直言雖然整體規劃不錯，但細節上仍有扣分位。

缺點 1：荃灣公園淪為「大媽廣場舞」勝地

雖然樓主大讚荃灣公園休憩空間大，但有網民一針見血指出：「但荃灣公園一樣有大媽大聲播歌跳舞！」每逢周末或傍晚，公園部分區域便會被大媽的強勁音樂攻佔，噪音問題對附近低層住戶及散步的市民造成困擾。

缺點 2：部分屋苑景觀望墳場/屠房

有網民提到，雖然荃灣西坐擁無敵海景，但若果買錯屋苑或座向，景觀隨時大打折扣：「唯一敗筆就係海濱花園近墳場」。荃灣華人永遠墳場及荃灣屠房均位於荃灣西南部，部分屋苑的高層單位的確有機會望到相關設施，買樓時需要特別留意。

點擊圖片放大

網民狠批啟德規劃：諗到咩就擺咩落去

不少網民留言認同荃灣西的規劃的確「好係幾好」，與此同時，有人亦將矛頭指向啟德發展區，狠批其規劃混亂：「係啟德劃得特別差，好似諗到咩就擺咩落去」、「啟德一出站就見到一排排簡約公屋，完全破壞市容」。有網民更諷刺指：「政府城市規劃師將 10,700 個簡約公屋起喺啟德地鐵站旁...依啲位起居屋先引到班公屋（住戶）綠交公屋買居屋。」

資料及圖片來源：連登討論區

荃灣10大屋苑分區評測！網民封「宇宙中心」：呢帶樓齡新CP值最高

本港經濟及樓市經歷多番調整，息口去向雖漸見明朗，但市民入市心態已由以往的「驚執輸」轉變為「驚買錯」。早前連登討論區就有網民發起熱議，指在現時經濟狀況下，荃灣仍是全港最值得置業的地區，並將區內仔細劃分為「荃灣10大分區評測」，詳細分析優劣，當中一地段更被推舉為「隱世CP值之王」樓齡新且配套齊，只需 15 分鐘直達西鐵。即睇係咪你心水？

+36

+35

點擊圖片放大