歷史系博士走去做機場保安？網民嘆文科悲歌揭1原因：隨時升得快過你

文: HK港生活

3小時前

【職場熱話 / 機場保安 / 博士生 / 乞食科 / 文科悲歌 / 考公務員】讀到博士畢業，出路是否一定平步青雲？近日有網民在 Facebook 專頁發文，指自己從事機場保安，竟迎來一位「歷史系博士生」新同事。樓主大感驚訝，直言「讀到博士都要做機場保安」，帖文隨即引爆網民熱烈討論。有人大嘆這是「文科悲歌」，但亦有不少內行人踢爆殘酷真相，直指這位新同事隨時只是「騎牛搵馬」，「轉頭升得快過你」。

博士生淪落做機場保安？打工仔驚訝高學歷新同事

近日，有網民在 Facebook 群組「裁員炒人消息關注組」中發帖分享職場奇聞：「我係做機場保安嘅，今日返工嘅時候，竟然有一個博士生成為新同事。」樓主好奇詢問對方讀甚麼學系，得知是歷史系後大感不解：「真係奇怪，讀到博士都要做機場保安」。

網民嘆文科悲歌：香港讀純文科得兩條出路

帖文一出，隨即引發超過過百留言討論。不少網民認為在香港讀文科出路狹窄，有網民直言：「讀博士唔係問題，讀歷史先係問題。喺香港讀純文科，一係去教書，一係去做公務員，呢兩個選擇會係最好嘅出路。」更有網民無奈指：「冇計，馬死落地行，唔係偷唔係搶做正行」、「經濟環境唔同咗，高學歷都未必容易搵到工作。」

▼網民留言▼

點擊圖片放大

針對「讀書是否為了賺錢」的爭議，網民亦分成兩派。有人堅持「讀書嘅目的係為咗增進知識，唔係為咗搵錢」；但隨即被其他人反駁：「讀書只為考好個試，文憑只為搵份薪高糧準又舒服嘅工...唔通真係為學識為做人而讀書咩？大大唔好咁虛偽啦」。

網民猜測：隨時考緊紀律部隊「騎牛搵馬」

不過，在眾多留言中，有不少心水清的網民及疑似內行人點出了一個殘酷真相，這位博士生極有可能只是將保安工作當作「過渡期」。大批網民留言提醒樓主不要看輕對方：「初黎報到只係過程，轉頭升得快過你」、「絕大部分都係做幾個月或幾星期，一搵到好工咪即走囉」、「後生仔，好多都暫時做住先，邊搵工或等考公務員，你自己應該做過唔係好多年」。

▼網民留言▼

+10

點擊圖片放大

有網民更具體推測該名博士生的動向：「都未必，如果我讀歷史讀到博士，可能會轉做海關嗰啲工作，唔會做保安」、「人哋騎牛搵馬做住先啫，唔同你，你繼續維護世界和平啦」、「佢玩多你幾年，就算同你一樣人工都唔輸，而且佢將來機會多過你，你問點解？因為佢肯繼續做，將來實會升得快過你」。

網民：博士學費唔少 VS 其實「有錢收」

對於有網民質疑「博士嘅硬學費真係唔小（少）」，認為是一項失敗的投資，有部份網民則留言反駁，指在香港讀博士其實「有錢收」：「讀博士有 Studentship，仲有 Fellowship，多過學費，如果係本地人讀土炮博士仲唔駛學費，照收錢。」

1. 本地人讀博士「免學費」

根據教資會（UGC）的「本地研究生學費豁免計劃」，由 2018/19 學年起，政府為所有修讀教資會資助研究院研究課程（包括 MPhil 及 PhD）的合資格本地全日制學生，提供免入息審查的學費豁免。這意味著香港本地人讀八大大學的博士學位，基本上是不需要交每年數萬元的標準學費。

雖然 2026 年本地生依然免學費，但教資會早前已公佈，由 2027/28 學年（即 2026 年 10 月開始的申請周期）起，該計劃會加入新的過渡性居港規定（要求居港滿一年），以打擊可能存在的濫用情況。

2. 一般 Postgraduate Studentship (PGS)

即使你沒有拿到最頂級的 Fellowship，只要你是全日制的研究生（PhD 或 MPhil），一般都會自動獲發 Postgraduate Studentship (PGS)，也就是網民所講的 Studentship。以中文大學為例，2024-25 年度的 PGS 大約是每年 $224,700（即每月約 $18,725）。這筆錢絕對足夠生活，而且遠超學費。