Tempo紙巾加「神秘虛線」方便一開二？港人霸氣拒絕：侮辱專業 曬1分為6神技

Tempo 紙巾現神秘虛線

相信香港人平時用紙巾，都習慣將紙巾直接撕開一分二。但竟然連紙巾品牌 Tempo 都知道香港人這個使用習慣，甚至加入包裝設計？有網民最近在 Threads 上分享，驚訝發現「Tempo 紙巾中間有條虛線俾你搣開」，更誇張表示「咁大單嘢冇人講」，隨即引發全港網民熱議。

▼網民分享▼

點擊圖片放大

網民霸氣留言：唔好挑戰香港人

對於這個新功能，網民的反應竟然是「覺得被冒犯」多過「覺得方便」？不少網民都留言指 Tempo 此舉竟然是侮辱港人專業，「身為資深香港人唔需要呢條線」、「香港人心中有線，係唔需要你加呢條線都搣到」、「真正嘅香港人完全唔需要呢啲線，根本唔尊重」！更有網民霸氣直言「條界線係我定架，幾時輪到你 Tempo 定？」，引來不少共鳴。

▼網民留言▼

+9

+8

點擊圖片放大

分六人用都得？

為什麼香港人會如此熱愛「分紙巾」？網民就笑言其實是一種資源運用的智慧，因為有時並不需要用到整張紙巾，「抹嘴用 1/3，抹餐具用 1/3，剩返 1/3 抹汗」，完全不會浪費，有人甚至可以技術純熟到「只係搣一條用嚟抹一滴水」，更直接附圖大曬「一分六」絕技。雖然個個都話「唔需要」，但亦有心細網民睇出品牌用意，指出「呢條線，係一個世界品牌對香港文化嘅認同。」不過就笑言品牌寧願加條虛線，都不願出細張啲！

▼網民留言▼

+7

+6

點擊圖片放大

資料及圖片來源：Threads@k.k7jdm、Tempo、Canva 圖片

內地客揭港人6大怪癖！入𨋢狂撳掣/紙巾搣一半 網民笑：一睇就知係香港人

【香港旅遊 / 小紅書熱議 /香港人】原來你舉手投足的小習慣，早已暴露你香港人的身份？近日小紅書熱議6個港人獨有的生活怪癖，包括「紙巾搣一半」，或者在升降機裡瘋狂撳掣等等，遊客百思不得其解！其實這些行為側面顯示港人的急速生活節奏，以及極致的效率追求。這些急不可耐的「小動作」，你又中了幾多個？

+15

+14

點擊圖片放大