鉛芯筆定撳芯筆？網民揭香港地區隱藏方言 大西北街坊：由細到大都咁叫

網絡熱話：你係叫「鉛芯筆」定「撳芯筆」？

近日，有網民在 Threads 發文詢問大家對這款無需用刨、只要按壓就會出芯的鉛筆的稱呼。帖文意外揭露了一個隱藏多年的「香港語言結界」，大部份居住港島和九龍區的人士，由細到大都稱它做「鉛芯筆」；但在新界大西北（特別是元朗、天水圍、屯門，甚至北區），卻有大比例的街坊稱它為「撳芯筆」。

點擊圖片放大

《港生活》採訪元朗區小編：讀書時已經係叫撳芯筆

大批新界街坊留言表示猶如找到了失散多年的親人：「我土生土長元朗人由細到大都係講撳芯筆喎」、「天水圍人，由細到大都係講㩒（撳）芯筆」、「我係粉嶺人20幾年，你唔出post我以為個個都係叫㩒（撳）芯筆」。此外《港生活》亦分別採訪兩位同事小編，分別居住元朗及天水圍並曾於該區上學，前者表示「兩種講法都會講」，後者則指「讀書時已經係叫撳芯筆，全部同學都係咁叫」。

元朗、屯門、天水圍、北區網民留言

+4

+3

點擊圖片放大

市區網民留言

+3

+2

點擊圖片放大

更有街坊分享出城後的「文化衝擊」：「幾年前發現好震驚，我朋友間做過統計，元朗朋友100%講㩒芯筆」、「試過不止一次同元朗區以外嘅人講㩒芯筆，佢地話聽都未聽過」、「明明大家都係講撳芯筆，鉛芯筆似書面語」。甚至有網民笑言：「留名見證歷史性時刻！！香港粵語終於發展出地域方言」。

連登早有考證：元朗人的專屬結界？

翻查資料，其實這個「方言爭議」並非首次出現。早於 4 年前（2022年），連登討論區已有人以「係咪得元朗人先會叫鉛芯筆做撳芯筆?」為題發文，當時同樣引發熱烈迴響，有元朗人表示「元朗人細個八十年代會叫撳芯筆」、「我都係入咗u（大學）先知其他人係叫鉛芯筆，我全部元朗中同小同都係叫撳芯筆」。

至於部份非原區網民表示第一次聽，「男朋友都係住大西北講撳芯筆，我以前從來都無聽過」、「問左幾個大西北人全部都係叫撳芯筆」。

+9

+8

點擊圖片放大

網民拆解「方言」之謎：點解元朗人會叫撳芯筆？

為何香港這麼細，都會有這種奇特的地區方言差異？不少網民化身「語言學家」嘗試拆解這個謎團，歸納出 3 大可能原因：

1. 動作派 vs 材料派的差異

有資深元朗街坊分析，叫「撳芯筆」是因為強調「按壓的動作」，而「鉛芯筆」則是基於筆芯的材料。他指出，新界區早年以圍村為主，夾雜了圍頭話或其他方言，而傳統村落的廣東話，往往更傾向「用動作或動詞」來為用具命名。

2. 舊式文具舖的影響力

不少網民將這個叫法歸因於當年的地區文具店：「懷疑係當年教育路啲文具舖教嘅」、「可能係啲小學生放學成日蒲嘅元朗文具舖老闆唔識求其作個名，啲小朋友返學校一傳十十傳百變咗係咁叫」。更有網民點名，出處極大機會來自當年雄霸一方的「光明」或「光華」書局，其影響力滲透了每一個在元朗長大的中小學生。

3. 中小學語境的「完美隔離」

亦有網民提出了另一個觀點：這種區域性現象其實很正常，因為大家一生人對著這支筆最多的時間就是中小學時期。「喺冇網線嘅年代，你幾常接觸區外嘅人？由於鉛芯筆幾乎只限於學校語境裏面，所以『撳芯筆』只會喺元朗區裏面傳播。到咗畢業之後，就更加唔使用鉛芯筆啦。」正是因為缺乏與區外人交流這款文具的機會，令這個詞彙成功被「contain（局限）」在元朗區內。

網民反駁：叫「撳芯筆」會撈亂？

雖然大西北街坊極力捍衛「撳芯筆」，但亦有市區網民提出質疑：「原子筆都有筆芯，都一樣係撳出嚟！如果叫撳心筆，根本分唔到係鉛芯定係原子筆芯。」不過，亦有網民分享另一個有趣的說法，指澳門人其實會叫它做「暗芯筆」，認為有可能是中途有人以為香港是將所有澳門讀「暗」的字改做讀「撳」（如：暗𨋢變撳𨋢），從而衍生出這個稱呼。

都有個別網民認為與地區無關，反而與時代有更大關係，「我呀媽會咁講（撳芯筆），土生土長香港人」、「老一輩都有喎，土生土長香港人嚟」。你由細到大又是怎樣稱呼呢？

原帖文

資料及圖片來源：Threads@ccchoilam_、連登討論區、Canva

顛覆認知！鉛筆尾粉紅擦膠「真實用途」曝光網民驚呼：用錯幾10年

你是否也曾有困惑鉛筆尾端那顆粉紅色橡皮擦，想擦去錯字結果卻「越擦越髒」？原來這款陪伴我們成長且最熟悉的文具，從一開始就不是設計來擦鉛筆痕跡，有關討論近日迅速在網上引起熱議，原來不少人從小到大都錯用了它，到底粉紅色橡皮擦真正的用途是什麼？

+28

+27

點擊圖片放大