中年好聲音4｜「頭號殺手」范子睿自爆參賽只想上電視 「真係唔知自己勁喺邊」

清唱《有心人》氹掂女檔販 成功五折買生果

上弦黑隊的「頭號殺手」范子睿來自廣州，雖然看TVB劇長大，但他很少來港，故比賽前，節目組專程帶他到果欄打卡，期間子睿到生果檔買生果，落足嘴頭氹姨姨畀折頭，更即場清唱《有心人》，氹到姨姨四萬咁口，子睿成功以半價買了一盒士多啤梨。

點擊圖片放大

「頭號殺手」范子睿唔知自己唱歌勁喺邊

子睿坦言最初參加《中4》目的是只要能上電視便滿足，但當評審給他5燈及讚他唱功厲害，子睿坦言當時不知所措：「其實我真係唔知自己勁喺邊，所以唔知畀咩反應。」子睿覺得《中4》是一個加油站，每個人都會向他說「加油」等鼓勵字眼，令他覺得很有愛。

范子睿搣甩癲佬Look自認靚仔 海兒皺眉扁嘴難以置信

回到比賽，子睿再度挑戰慘情歌，選唱《怎麼說我不愛你》。上次子睿以「失戀癲佬Look」唱《忘情冷雨夜》，今次他不再披頭散髮， Gel行All Back頭以「乾淨」的型格Look示人。子睿唱畢自讚：「其實細心嘅朋友肯定會發現我今日靚仔咗。」

海兒聞言即皺眉兼扁嘴，露出難以置信的表情，非常搞笑。雖然如此，但海兒讚子睿唱歌的輕、重之聲非常出色：「輕，你永遠聽得清楚佢嘅輕；重，永遠都唔會覺得佢吵耳。」