婚宴人情掀風波！港人出席婚宴後遭追數 封4位數仍被嫌少？網民鬧爆：窮就唔好結啦
人情公價向來備受關注，到底封多少才是合適的祝福呢？近日有港人於Threads發文，指參加認識8年的大學同學婚宴，當日已封四位數人情，事後卻被對方追討差價，令他相當愕然。帖文一出，隨即引發網民熱議，不少人直斥新人做法離譜，亦有人分享反擊方法。
樓主親述被追「人情差價」經過：呆咗五分鐘
樓主在帖文中表示，與該名大學同學相識8年，關係尚算不錯，早前獲邀出席對方於高級酒店舉行的婚宴。考慮到交情及場地，他最終封了$1200人情，自覺「算係合理」。
怎料婚宴結束兩日後，對方突然主動WhatsApp聯絡，直言當晚酒席每人成本約$1800，並指出樓主只封$1200，「搞到我要倒貼你食飯」，甚至開口要求補回差價。樓主坦言當下「望住個msg呆咗五分鐘」，難以理解對方做法，只好發文詢問網民意見：「如果你係我，會直接Block佢，定係畀錢當買斷段關係？」
網民鬧爆：窮就唔好結婚啦
事件曝光後，大批網民直斥新人做法不合理，認為婚宴規模屬個人選擇，不應將成本轉嫁他人。有留言直言「窮就唔好結婚」、「冇錢就唔好扮大袋」，質疑為何要賓客承擔開支。
亦有人指出，人情本質在於心意而非「補貼成本」，「去飲係替你開心，唔係去津貼你擺酒」、「睇交情唔係睇場地」。更有網民認為新人只是「搵人戥腳做show」，直言若擺酒金額高昂，「咁係咪要封過萬先合理」，批評計較人情有違本意。
即睇網民留言
網民教咁做反擊
除了批評，亦有不少網民提供「應對方法」，建議樓主毋須理會，「已讀不回就算」，甚至直接斷絕來往。
部分留言更提出「反擊式回覆」，例如「我覺得交情只值$500，不如你退返$700」、「同佢講下次會封番多少少」，或公開對話內容「幫佢發揚光大」。
即睇網民留言
人情公價2026｜婚宴及非婚宴人情價格
今年市道一般，到底結婚「人情公價」有無得減，封多少才是適合呢？早前生活易（ESDlife）公布最新「2025年結婚消費調查」，結果顯示雖然婚宴酒席支出回落，但人情依然「企硬」，價格連續5年維持不變。
延伸閱讀：人情公價2026｜酒店/酒樓去飲人情呢個數！收餅卡都要畀？一文睇清8大婚禮場地利是價
調查發現，各類婚宴場地的人情中位數自 2020 年起一直維持不變，例如高級酒店公價 $1,500、一般酒店及特色場地 $1,000，而酒樓及午間婚宴則維持 $800。 甚至連「只派餅卡」的友情價都保持在 $300。 由於人情金額未有隨酒席成本下調，這意味著賓客的利是更能有效幫補新人的賬單，稍微紓緩籌辦婚禮的財政壓力。
婚宴人情價格
| 婚宴 | 2020 | 2021 | 2022 | 2023 | 2024 | 2025 |
| 高級酒店 | $1500 | $1500 | $1500 | $1500 | $1500 | $1500 |
| 一般酒店 | $1000 | $1000 | $1000 | $1000 | $1000 | $1000 |
| 私人會所 | $1000 | $1000 | $1000 | $1000 | $1000 | $1000 |
| 特色婚宴場地 | $1000 | $1000 | $1000 | $1000 | $1000 | $1000 |
| 酒樓 | $800 | $800 | $800 | $800 | $800 | $800 |
| 午間婚宴 | $800 | $800 | $800 | $800 | $800 | $800 |
| 西餐廳 | $800 | $800 | $800 | $800 | $800 | $800 |
除了傳統擺酒，現在亦流行酒會（Cocktail Party）或只邀請親友到婚姻註冊處見證。只收到餅卡唔去飲，原來禮貌上都要表示心意。統計顯示，最新收餅卡人情公價為$300。
非婚宴人情價格
| 非婚宴 | 2020 | 2021 | 2022 | 2023 | 2024 | 2025 |
| 酒會 | $600 | $600 | $800 | $800 | $800 | $800 |
| 只邀請出席於婚姻 註冊處/教堂的簽紙儀式 | ／ | $300 | $500 | $500 | $500 | $500 |
| 只派餅卡， 沒有邀請出席婚禮/婚宴 | ／ | $100 | $300 | $300 | $300 | $300 |
來源：Threads
港生活人氣本地熱話
《U GO》請您去M+夜不同：遐想未來景！🌌
↓親身感受截然不同嘅博物館夜晚🌟↓
【家長必睇👀】全港最受歡迎親子室內遊樂場！🛝
1000+港媽港爸票選🗳️ 即睇完整排名✨
假日好去處