斑馬牌$9.9限定筆全港斷貨！印廣東話金句掀搶購潮 附人氣補貨地點
【斑馬牌原子筆 / 限定對聯筆 / 廣東話金句 / 斷貨 / 補貨地點 / AEON / 文具佬 / $9.9 / Threads熱話】 近日香港再出現一個搶購奇景，不少打工仔同學生哥不惜行足幾間文具店，只求買到一支售價僅 $9.9的原子筆！著名品牌 Zebra 斑馬牌最新推出香港限定「對聯系列」，將「只要你唔尷尬」、「見攰就唞」等廣東話神句印上經典 Sarasa 筆桿，瞬間在 Threads 引爆搶購潮，甚至連 AEON、文具佬等各大文具店都紛紛傳出斷貨噩耗。到底呢支筆有咩魔力令全港瘋狂？邊度仲有最後存貨？即看下文了解更多！
Threads爆紅$9.9限定對聯原子筆搶到斷貨？
最近一支原子筆掀起香港搶購熱潮，主角正是大家由細用到大的文具品牌 Zebra 斑馬牌。近日，斑馬牌推出一款充滿玩味的「香港俚語對聯 (廣東話對聯) 原子筆」，每支只售 $9.9，上架不久已經在全港多間文具店出現搶購潮，甚至有人話「行咗幾間都斷貨」、「買唔齊」，引來網民瘋狂討論「大家點解筆都要搶」？
▼網民留言▼
3 大爆紅原因
原因1：極致性價比
$9.9 一支日本製 Zebra 斑馬牌啫喱筆，而且更是極受歡迎的 Sarasa Clip 系列， 書寫流暢、 色彩鮮豔，買來送禮自用都不肉痛。有網民甚至直言「呢一支筆係最好用嘅筆，校對員上」。
原因2：極具收藏價值
斑馬牌是次推出香港限定產品，對聯設計極具本地色彩，絕對有收藏價值。今次系列筆身側面印上大家耳熟能詳的廣東話對聯，充滿本土情懷，款式及顏色多至6款：
- 藍灰色 Blue Gray (VBGR) ─ 只要你唔尷尬 尷尬就係人哋
- 墨綠色 Green Black (VGB) ─ 見攰就唞 唔掂要講
- 深藍色 Dark Blue (VDB) ─ 先處理心情 後處理事情
- 紅黑色 Red Black (VRB) ─ 食得招積 住得舒適
- 啡黃色 Camel Yellow (VCY) ─ 凡事留一線 日後好相見
- 深灰色 Dark Gray (VDG) ─ 講你又唔聽 聽你又唔明
原因3：Threads友大推
Threads 上出現大量開箱圖同埋「斷貨報告」，加上官方社交平台列明「數量有限，售完即止」，引發大家嘅「錯失恐懼症」，大力推波助瀾。
網民「尋筆報告」：邊度仲有貨？
根據網民情報，AEON及文具佬都有發現存貨！如果不想白行一趟，可主攻附近AEON及文具佬分店，會較大機會「執到」。另外有網民建議，可去各大文具店及書店都有機會有售。
資料及圖片來源：Threads@zebra_pen_hk、@sensou.zeri、@supermarket.oops、Zebra 斑馬牌、文具佬生活百貨 Stationery Lo
港生活人氣本地熱話
↓【限時搶⚡】麻辣喵麻辣脆脆↓
↓新鮮爽脆嘅辣椒、蒜頭同紅蔥頭↓
U Lifestyle App送您QOLLABS升級版「大餐救急丸」！
↓All in one全面阻隔燃脂↓
假日好去處