正義女神｜陳煒再度奸出位獲認證「演技女王」 親自回應網民抱不平：認同我就足夠
在《正義女神》中陳煒飾演律師高淑樺，面對著明知早已成魔的兒子，高淑樺忍不住追蹤真相但又繼續包庇。與佘詩曼飾演的言惠知為敵對關係，無論霸氣或演技均勢均力，更被網民推為年尾視后頂頭大熱，陳煒更獲封「演技女王」。
陳煒再度奸出位
向來以演繹霸氣奸角見稱的煒陳煒，這次亦再度「奸出位」：「真心覺得陳煒做得好好，每次見到佢出場都覺得佢面口乞人憎」、「其實依啲角色先立體同有難度要演技」、「佢演技handle到，而且靚到就算奸都唔會憎佢。」
獲認證「演技女王」
亦有網民為煒哥每次都要靠奸才備受關注感到不值，豈料煒哥大方又專業地留言回應：「冇問題㗎，睇到我，認同我就足夠。」至於阿佘，除了一幕「壓抑式的激動含淚」感動觀眾，劇集尾段她成功拿出鐵證反噬煒哥時，挑機感爆燈的眉頭眼額及嘴面相當精彩，令不少網民拍爛手掌，昨晚一集堪稱好戲連場。
總監製鍾澍佳親身認證
佳導接受官方訪問時，亦對煒哥在劇集表現讚不絕口：「煒哥喺《正義女神》入面係有層次有原因地去奸，所以大家唔單止睇到佢嘅奸，仲會同情、甚至愛上呢個角色」、「煒哥高淑樺呢個角色嘅層次變化係非常之困難，佢真係做得好好、好好！」
港生活人氣娛樂新聞
↓送您Haenim升級嬰兒用品✨↓
【《U GO》食·評·賞】🌟用1分鐘為您心水餐廳打氣‼️
完成簡單3步曲📣贏走指定獎品🎁
假日好去處