新界公屋驚現「孫悟空」登門！爬上8樓與住戶深情對視引熱議！網民急提醒：小心佢日日嚟探你

顯徑邨有猴子上門 爬上8樓嚇窒住戶

該名港人以「馬騮」為題發文，表示現居於大圍顯徑邨8樓，事發當日突然發現一隻猴子爬上單位騎樓位置。從影片可見，該猴子體型健壯，雙手緊抓窗戶欄柵，半個身體坐在窗台上，與屋主隔窗對望，畫面猶如「打招呼」。

事主坦言，當刻完全反應不過來，「個腦完全hand咗機」，第一時間反而擔心猴子會否失足跌落。雖然知道附近後山一帶有猴子出沒，但直言「遇到爬上屋真係第一次」，最後猴子並未進入屋內，而是沿水管自行爬回地面，事件有驚無險收場。

+2

點擊圖片放大

網民急提醒：入咗嚟成間屋玩完

不少網民看後大感驚嚇，直言「好恐怖」、「如果係我一定好驚」，更擔心猴子日後會再次出現甚至入屋。有留言指出「頭過身就過」，若能穿過窗戶空隙，隨時闖入單位，後果不堪設想，更有同邨居民表示也有看到猴子出現。

亦有網民提醒，建議樓主盡快加裝窗花或防護網，避免猴子攀入室內，同時提醒切勿餵食，以免吸引牠們反覆出現。有較謹慎的留言更建議樓主向漁農自然護理署或管理處求助，甚至報警處理，以防對住戶構成潛在危險。

即睇網民留言

+6

+5

點擊圖片放大

部分網民「錯重點」：齊天大聖來家訪

不過，亦有部分網民將焦點轉為搞笑，形容該猴子「眉清目秀」、「幾有禮貌」、「佢都幾乾淨，幾靚仔」，甚至笑言是「大聖爺到訪」，建議樓主「上香」、「擺蕉招呼」。

即睇網民留言

• 呢隻個樣幾善良
• 佢冇郁你前面個香爐灰，都算有智慧
• Sorry，錯fo，佢都幾乾淨，幾靚仔
• 嘩！咁正啊！有窗前馬騮戲上演
• 叫佢咁高小心啲，佢應該聽得明
• 佢個樣好似好有禮貌
• 勁可愛呀，唔怕人仲要幾靚
• 犀利呀，你以後有大聖既加持啦
• 公屋都有馬騮爬到上來咁勁

留言區更充滿《西遊記》相關玩笑，例如「 原來你係拜大聖爺既」、「幫佢戴返金剛箍」、「人生路上係會遇到好多妖精」、「帶佢去取西經」，甚至有人表示「Call張衛健」，氣氛由驚嚇轉為輕鬆。

+10

+9

點擊圖片放大

猴子無聲出現？樓主稱最怕呢樣...

樓主其後補充指，事件最令人不安之處，在於猴子出現時「完全無聲」，自己根本不知道牠何時已經爬到窗外，直至對視一刻才驚覺異常。他坦言，當時最擔心的並非自身安全，而是若猴子突然闖入屋內，根本不知道應如何應對或驅趕，「入屋都唔知點樣趕走」。

來源：Threads