觀塘廣場驚現「靈堂風」格仔舖！慳錢風格嚇窒港人：以為係靈堂

觀塘廣場見「靈堂風」店舖嚇窒港人

有港人近日於社交平台發帖，分享一張於觀塘廣場地下商舖拍攝的照片，並寫道：「靈堂咁嘅氣氛！」帖文同時質疑店舖經營模式，提到店內以「有轆嘅膠格仔櫃」形式經營AR抽活動，又提及相關活動或涉及娛樂牌照問題，甚至戲稱「唔知有冇人會報東張」。

從照片可見，涉事店舖內部以大量純白色設計為主，兩旁整齊排列多個白色格仔櫃，整體空間燈光偏冷清。加上當時有一名女子蹲在格位前整理物品，畫面令不少網民聯想到靈堂或骨灰龕場場景。

網民：第一眼真係以為骨灰龕位

帖文曝光後，不少網民紛紛表示「第一眼睇錯」，認為店舖裝修及格仔櫃排列方式極具「殯儀感」，紛紛留言「又似骨灰龕位，又似大酒店」、「租個位擺骨灰？」亦有人直言「頂...第一眼真係以為係（我要驗眼）」、「擺部佛經機入去播應該會更加邪門」，又認為整體氣氛過於陰沉，「一睇就知點搞都唔掂啦」。

即睇網民留言

+8

+7

點擊圖片放大

網民搞笑留言：去鞠個躬先

除了討論裝修風格外，帖文下方亦出現大量惡搞留言，有網民戲稱「每個位八萬八」、「有客到，請留步」，甚至笑言「我搵日去鞠個躬」、「買扎白菊花去都好喎」、「屬馬屬牛屬鼠行過使唔使擰歪面？」

部分網民：呢類格仔舖20年前已經有

不過，亦有部分網民認為事件其實並不值得大驚小怪，指出這類以格仔櫃形式經營的店舖早於20年前已相當常見，留言稱「信和大量」、「連臣角咁樣」。亦有人指出油塘亦有類似裝修風格的店舖，「呢類廿年前信和廣場已經有，樓主係new type？」認為只是近年AR抽及格仔店文化重新流行。

來源：Facebook@X官塘老母群組