中年好聲音4｜蔡宓婕懷孕6個月痛心接受流產手術 唱《光明》悼未出世BB

蔡宓婕懷孕6個月被診斷胎兒不健康 

 「小野貓」蔡宓婕選唱汪峰的名曲《光明》激勵人心，原來背後有一段傷感往事！宓婕擁有全力支持她的靚仔外籍老公和可愛混血囝囝，一家三口幸福美滿。向來予人積極樂觀的宓婕透露選歌原因：「每個人都需要光，特別是徬徨無助的時候，每當我低落的時候，我就會聽這首歌。我們可以哭，可以吶喊，但是我們不能放棄希望，我們一定要相信，光明就在我們前方。」

痛心接受流產手術 唱《光明》悼未出世BB

當主持車婉婉問密婕人生中最想吶喊的時刻，宓婕哽咽道出一段痛心往事。原來她曾於懷孕第六個月時，因胎兒健康問題，無奈選擇人工流產：「去到醫院時，我係預咗生佢出嚟。但護士同我講『媽媽，我依家要打支針，BB就會冇心跳』，佢一路講嘅時候，我BB係一路郁緊嘅，因為六個月嘅時候已經有胎動……」

聽到此處，肥媽不忍擰轉喊，可嵐、許雲妮及觀眾亦哭成淚人，場面傷感！宓婕的經歷引起海兒極大共鳴，海兒坦言好友亦有相同遭遇：「佢依家仲喺一個好低谷嘅位，佢見到你依家可以咁開心一定會好受鼓舞，好多謝你分享呢個故事」。

揀選「進取之路」的宓婕取得88分，雖然未能直接晉級，不過評審們都被她的正能量打動，谷婭溦說：「我希望你繼續咁樂觀，咁Positive。」肥媽則說：「小野貓就係一個好Positive嘅人，呢個就係唱歌最好、最高嘅境界。」