走過歷史大地｜洪永城黃翠如公開「埃及市集購物攻略」 10蚊美金殺價變1蚊遭店主當賊辦？
《走過歷史大地》來到今晚（16日）第二集，Tony及翠如將走訪古／今埃及開羅，探討獅身人面像為何「冇咗個鼻」之餘，還會親身體驗木乃伊長達70天的複雜製作過程；其中為了探討獅身人面像冇鼻哥之謎，二人先後穿越到1798、1738及1378年，除親眼「直擊」獅身人面像鼻哥被毁一刻，跟拿著拿破崙蛋糕向拿破崙解釋這款蛋糕的由來。
黃翠如洪永城走訪古／今埃及
除了穿越，Tony與翠如還走訪了以「埃及林子祥」嘜頭聞名、全世界其中一間最傳奇餐廳品嚐叫價港幣11元only 的「埃及撈起」；開羅埃及博物館，及哈利利市集，大開食界、眼界及買界！二人還會暖心給出「埃及市集購物全攻略」，期間Tony示範如何獅子開大口將10蚊美金殺價殺到1蚊美金，最終竟遭店主指控是「阿里爸爸」（盜賊），令翠如笑破肚皮。
揀桃紅低胸露腰高衩閃片裙俾黃翠如
今集，Tony與翠如的互寸位繼續啜核，尤其在哈利利市集，二人繼續「相愛相殺」，爭著為對方挑選「極其唔襯」兼款式誇張的埃及風服飾，當Tony拿起閃片Shocking Pink低胸露腰高衩裙要翠如試穿時，翠如即一面慍怒兼冇佢咁好氣：「幾日之前我已經講咗你一定揀呢個」、「憑你嘅良心再重新揀過！」
洪永城「大鼻」成重點攻擊目標
就連影相瑣事，二人也能拿來鬥氣！事緣Tony著翠如在獅身人面像前幫他拍照留念，翠如先是多多要求：「正面唔夠英，側面」，Tony：「有冇型呀？」翠如：「個頭伸前少少」Tony：「擘大唔到隻眼喎，緊唔緊要？」翠如笑回：「呢啲從來都唔緊要。」曲線抨擊Tony「顏值」。
而當Tony一本正經講解獅身人面像鼻子被攻擊的歷史傳聞時，翠如不但忍唔住笑，更曲線取笑Tony鼻大：「你好容易成為被攻擊目標」，說畢還要作勢打Tony，相當頑皮。
港生活人氣娛樂新聞
【港媽港爸必睇✨】親子樂園 Smart Kids 正式登陸👶！
↓【免費請您試用！】↓
Mustela嬰幼兒夏日防護套裝！
搵好去處