密封榴槤搭巴士都犯規？港人被城巴趕落車揭車長1大絕對拒載權

文: 梁雪盈

1小時前

【帶榴槤搭巴士 / 城巴拒載 / 密封包裝 / 公共巴士服務規例 / 違規行為】踏入六月盛夏，又到「果王」榴槤瘋狂當造的黃金季節，各大超市街市開滿金枕頭、貓山王，一眾「榴槤控」放工都忍不住瘋狂掃貨準備返屋企慢慢嘆。但注意！最近 Facebook 群組有苦主買了金枕頭後，上巴士時仍被車長一眼認出並態度堅決拒載，令樓主深感委屈不解「明明完全冇味，點解規例咁僵化」？不過隨即引來大批網民排山倒海反擊，一針見血戳破密閉冷氣車廂的窒息現實，更驚揭根據香港《公共巴士服務規例》，原來即使無味車長擁有絕對權利趕你落車！

港人帶榴槤搭巴士被拒載

近日，有港人在放工時間，去超市買了一盒「金枕頭」，正當樓主準備上車時，巴士司機卻態度堅決地表示「榴槤不能帶上車」並要求他下車。但樓主認為有顧及其他乘客，在上巴士前特別做足防禦措施，用了兩個密封盒將榴槤包裹得密密實實，自己亦都完全聞不到味道才上車。加上當時已付車資，樓主對此感到十分無奈和委屈，認為自己已經盡了公民責任去密封，不解為何巴士的規例要如此僵化，問大家「密封好又冇味嘅榴槤，城巴都唔俾帶咩？有冇類似經驗呀」？

點擊圖片放大

網民留言：明顯會影響其他乘客

不少網民都留言指同意司機做法，有人指自己雖然同好榴槤，不過亦能理解榴槤氣味強烈，不是人人都能接受，就算上車那一刻沒味道，但在密閉的巴士冷氣車廂內悶一陣子，氣味極容易透過微小縫隙滲出。一旦味道進入冷氣系統循環，整輛車的乘客就要強行陪你「聞臭」，對不喜歡榴槤的人來說簡直是酷刑。「我哋食就覺得冇味，唔食嗰啲人都會聞到好大味」、「我都好鍾意食架！但架車無窗，困住果陣味真係超臭…」、「其實唔鍾意榴槤嘅人同唔鍾意人吸煙一樣…少少味都好抗拒」，有人更直言「明顯會影響其他乘客」。

另外有部分網民則反問樓主，「你唔係咁樣徒手拎住呀嘛」、「點解咁叻唔收埋上車，係要成盒畀人見到咁天才」？認為樓主太公然拎上車，連一絲遮掩都完全沒有，會遭拒載都情有可原。

網民留言

+18

+17

點擊圖片放大

車長有權拒絕乘客上車嗎？

留言區中，有網民就指出「完全唔知道巴士係有條例話唔俾帶榴槤個喎？係咪可以投訴司機」？事實上，根據香港《公共巴士服務規例》，車長有權拒絕攜帶「厭惡性物品」的乘客上車。若氣味影響行車安全或引致其他乘客強烈投訴，司機可要求攜帶者落車或報警處理。因為氣味具極強刺激性。若想攜帶，必須使用真空盒或多層密封袋徹底包裝，確保完全無味溢出，但最終能夠上車與否，全由當值車長決定，而車長亦有權為保障車廂環境及行車安全拒載。

有網民就提醒，如果大家想買開封榴槤回家吃，可選擇先抽真空，而好多專賣榴槤舖頭都有抽真空服務，好言相勸留言「你以為包到咁就無味點知，下次帶個密實盒啦」、「下次買榴槤，帶定個保溫袋，我買榴槤要搭巴士嘅話，都會帶定幾個保溫袋包到佢實一實先至上車」。

資料及圖片來源：香港榴槤關注組2.0 、AI生成圖片、Canva圖片

全港最平榴槤！紅磡$100兩個貓山王街坊瘋搶$60干腰附地址

【紅磡平價榴槤 / 貓山王100蚊兩個 / 黃埔神秘生果鋪 / 干腰金枕頭 / 附地址】踏入榴槤當造季節，香港各區街市、果欄紛紛上演價格大戰。近日有網民在社交平台報料，指在紅磡發現了堪稱「全港最平」的驚世神秘生果鋪，極品泰國貓山王及金枕頭竟然低至 $100 就有兩個，更「低處未算低」仲有得再平，吸引大批街坊瘋狂瘋搶！到底邊度有咁抵食嘅榴槤賣？即睇下文拆解！