小儀悲痛撰長文痛失細佬佬離世！晒黑白合照淚別：安然接受生命最尾

小儀相伴13年愛犬細佬佬離世

今日（23日）小儀然在Instagram上宣佈愛犬離世，她亦撰下千字文與陪伴了13年的細佬佬道別：「親愛嘅細佬佬：遮遮多謝你呢隻管家仔，管咗遮遮13年零9個月，遮遮遇到你，真係非常幸福。今日2026年6月23日 早上7:30左右，你安詳地喺遮遮懷中，將個頭頭挨住遮遮左邊頸頸而離去。」

+2

點擊圖片放大

+2

點擊圖片放大

撰千字文悲痛道別

小儀寫道慢慢地感受愛犬心跳停頓的感覺的確十分難過，但她亦明白在不需要受到痛苦下離去，就已經是對細佬佬最好情況，她只好安然接受生命最後的時刻。小儀又貼出多張細佬佬的相片，並向愛犬送上最後的祝福：「好啦，呢2年辛苦喇，而家一定唔駛入醫院院，唔駛食藥藥㗎嘞，做你嘅快樂天使仔啦！」

+2

點擊圖片放大

+2

點擊圖片放大

小儀原文：

親愛嘅細佬佬：
遮遮多謝你呢隻管家仔，管咗遮遮13年零9個月，遮遮遇到你，真係非常幸福。

今日2026年6月23日 早上7:30左右，你安詳地喺遮遮懷中，將個頭頭挨住遮遮左邊頸頸而離去。
慢慢地感受你嘅心跳停頓，的確唔係好受，但當知道呢啲係佬仔同遮遮最好嘅福份，無需要打針針送你，冇令你辛苦好耐，遮遮只好安然接受生命最尾呢刻嘅感覺⋯⋯

佬仔，記得跟住DeeDee哥哥，佢一定會好似以前咁照顧住你。記得得閒返屋企企，記得偷𥄫遮遮，記得同過往13年幾一樣，記得樣衰衰，但又勁又model咁款就得㗎嘞。

遮遮同你嘅約定，我哋大家都要記住，
遮遮知道你喜歡望我個笑笑樣，ok，遮遮會識做。不過你都係，要送返個笑笑樣畀遮遮。

好啦，呢2年辛苦喇，而家一定唔駛入醫院院，唔駛食藥藥㗎嘞，做你嘅快樂天使仔啦！

遮遮love u，遮遮love lu 。

再見啦 細佬佬，阮細佬佬🤍🤍