飛常日誌II丨朱敏瀚強忍腳傷展神力孭游嘉欣 連續孭住女神上落樓梯20轉零氣喘
《飛常日誌II》今晚一集大結局，除了馬明，朱仔為了幫助劇中行動不便的游嘉欣（游游）離開隧道、盡快趕上航班，要長時間孭著游游之餘、更要背著她步行極多級樓梯，而朱仔不但冇氣喘，還能順暢地唸出一堆對白。
朱敏瀚強忍腳傷游嘉欣
除了「神力朱」值得期待，游游心心眼爬上朱仔雄厚背肌，「神還原」當年消防員英雄救美經典洗版圖一幕亦相當過癮。據知，由於朱仔孭了游游走上走落、行出行入足足數小時，故排練最後一個鏡頭時，竟不以為然地將游游「掟落地」，引發全場爆笑，監製Andy笑言：「我忍唔住嗌cut同問朱仔，你作為一個男仔，可唔可以對女仔溫柔啲？」
游游難忘跌落地「尷尬爆笑畫面」
游嘉欣透露：「其實朱仔拍呢場戲好辛苦，佢嗰時咁啱隻腳靭帶斷咗，但又要孭我又要上樓梯，我記得嗰晚佢行嗰趟樓梯至少行咗十幾廿次，係真係出晒汗，因為嗰條樓梯其實好窄，拍攝上要就好多嘢，同埋條樓梯係有啲焗。嗰日真係辛苦佢，我感受到佢隻腳真係好痛好痛。」
4大感情線終極走向今晚揭曉
今晚一集《飛常》還會交代一眾角色的感情線，除了之前提及的戴祖儀張馳豪「太后奴才CP」，在劇中已是公認一對的洪永城及高海寧（高Ling），將因為高Ling再度調職虹橋機場而面臨極大考驗；劉穎鏇最終會情歸朱仔還是周嘉洛？對前妻一直未忘懷的馬國明，最後又能否「反客為主」、一解心結？敬請期待今晚最後一集《飛常日誌II》。
港生活人氣娛樂新聞
↓【限時搶⚡】卡樂B燒烤味蝦片↓
↓原隻鮮蝦製成｜口感鬆脆輕盈↓
《U GO》請您去香港書展 2026！
一票玩盡書展📚＋運動博覽🏃＋零食世界🤤
搵好去處