屯門納米公屋迫爆？港人拆廚房門擺雪櫃 棄垃圾房後急問：交屋點算？網民教奇招補救

嫌單位太細？港人私自拆走公屋廚房、廁所門

有港人於Facebook群組「公屋討論區」發文，表示自己居住於寶田邨一人單位，由於單位空間十分狹窄，當初為了騰出位置擺放雪櫃，決定將廚房門拆除。

樓主解釋，廚房門原本向內推開，導致雪櫃無法擺放，只好將門拆掉；至於廁所門則因向外開啟，影響活動空間，因此改以膠簾代替。惟拆下兩道門後，單位內已沒有地方存放，最終只好將門棄置到樓下垃圾房。

準備交還單位 港人急問賠償要幾多？

近日準備搬遷交還單位時，樓主才擔心需要賠償，於是發文詢問：「有冇人知道寶田1人嘅超迷你納米單位廚房門、廁所門，搬遷交還要賠幾錢左右？清潔姐姐又有冇貨賣的？」更懇求網民「唔好淨係掛住圍插，功德無量」。

網民質疑：點解當初唔留返道門？

帖文引起不少網民討論，表示不解樓主做法：「點解當初唔留返」、「其實拆咗度門keep住，頂盡嘥你兩吋位，個單位真係咁迫？」亦有人認為樓主應先向房屋署或屋邨辦事處查詢，而非在網上發問，「你不如問房屋處要幾多錢」、「點解唔問主任？」、「辦事處會貼張價錢表出嚟」、「樓下大堂有貼，所有價錢自己睇，或者見到有人搬走可以直接問」，甚至有網民開玩笑表示：「一部iPhone嘅價錢」。

網民建議到垃圾房碰碰運氣

亦有網民建議樓主先到垃圾房碰碰運氣，看看能否尋回或購回同款木門，以減少還原費用，「當初識掉去垃圾房，想要番就去垃圾房等，睇、搵或問」、「落樓下垃圾房問下清潔姐姐啦」。有自稱聽聞行情的網民稱：「聽舊街坊講清潔工人賣1500蚊，賠償就7500蚊。」另有人指：「門好似200元，如果要賠俾房署好似三、四千蚊，可以問埋廚櫃。」不過，相關金額均屬網民分享，未獲官方證實。

網民留言

+2

點擊圖片放大

網民提醒：廚房門屬防煙門 不可隨意拆卸

除了討論賠償金額，不少網民更提醒，公屋廚房門一般屬防煙門，並非可以隨意拆卸，更直言：「廚房門係防煙門，係唔可以拆。」根據房屋署《公屋裝修指引》，公屋單位內固定裝置分為甲、乙、丙三類，租戶如需改動單位設備，必須遵守相關規定。

點擊圖片放大

租戶自費修葺項目

點擊圖片放大

延伸閱讀：港人曬「全爆」公屋裝修拆牆換廚房門！網民批恐危害樓宇結構 附房屋署最新回應

如證實租戶違規改動甲類業主固定裝置，房屋署可發出強制執行通知書，由房屋署安排承辦商進行還原工程，並向租戶收取全部工程費用及監工費。若租戶拒絕配合修復工程，房屋署更可考慮發出遷出通知書，終止有關公屋租約。因此，租戶如有裝修或改動需要，宜先向房屋署查詢及取得批准，以免日後交還單位時需支付高額還原費，甚至影響租約。

來源：Facebook@公屋討論區、房屋處