大埔髮型屋剪髮收$100惹議！港人呻加價太快：全港最貴速剪！網民分兩派激辯：自己冇睇清楚

全港最貴速剪？港人鬧爆：一個月加$20咁誇張

近日Facebook群組「大埔人大埔谷」上，有港人以「全港最貴速剪」為題發文，分享自己光顧大埔廣場一間髮型屋的經歷。樓主表示，上月首次到該店剪髮時，店員告知新客優惠價為$59，其後恢復正價$80，因此一直以為收費維持在該水平。

事隔約一個月，樓主再次到店剪髮，由於曾經光顧，未有再主動查詢最新價錢便直接入座。怎料剪髮完成後，店員卻表示收費已調整至$100，較首次支付的$59高出$41，加幅接近七成，令樓主大感意外，直言「一個月加20蚊咁誇張？」樓主又認為一般速剪收費約$65至$85，笑言「原來佢當自己係高級髮型屋」，並表示日後不會再光顧。

部分街坊稱有類似經歷：根本就呃人

帖文引起不少街坊留言，部分人表示曾到該店剪髮，認為收費及宣傳令人混淆，紛紛留言「我都試過，佢隨口up」。亦有人質疑店方宣傳「平過深圳」並不符合實際情況，直言「話平過深圳根本就呃人」。另有家長分享曾帶小朋友到店剪髮，首次光顧時收取$70，雖然當時沒有追問原因，但認為剪髮過程及整體體驗未如理想。

網民反批樓主：係你自己冇睇清楚

不過，亦有不少網民認為事件責任在於樓主，指出商戶有權按經營成本調整價格，只要事前已清楚展示收費便沒有問題，「上個月喎，人哋隨時更改價錢有咩問題？」、「自己入去之前冇問清楚價錢？」、「係你自己冇睇清楚」。

亦有人指出，店方並沒有標榜自己是速剪店，「次次都去搵佢剪，都110蚊，同埋人哋都冇話係速剪，係你『以為』啫。」更有網民直言：「剪100蚊都叫高級髮型屋，返咗去古代？」、「100蚊唔係佢貴，係你連100蚊都畀唔起。」

網民留言力撐店家

+5

+4

點擊圖片放大

$100剪髮已屬常見？ 網民：鋪租人工都貴

另有不少網民認為，香港剪髮收費近年普遍上升，$100已屬常見水平，未必算昂貴，「剪開都89元，100至120元都好常見」、「大埔超級城都100元啦」、「鋪租伙記人工都貴過深圳啦」。亦有人認為，是否光顧屬個人選擇，若認為價格不合預算，大可選擇其他髮型屋，不應單純因收費問題批評商戶定價。

網民留言

• 大埔廣場果邊有間好似過百喎
• 下，大埔超級城都$100啦
• 隨便，去唔去係你自由
• 剪開都$89啦，$100-120都好常見
• 鋪租伙記人工都貴過深圳啦

樓主留言反駁 強調不滿加價速度太快

面對大批網民批評，樓主其後再留言回應，強調自己並非認為$100剪髮一定昂貴，而是不滿店舖加價速度太快。他表示：「問題係，上個月講80，我仲要問價？」認為相隔僅一個月，店方便由原本告知的$80調整至$100，而且店舖屬新開業，質疑定價不應於短時間內大幅上調。

樓主又稱，不少人誤解其帖文重點，甚至批評「大埔group啲人都係『XX』」。他重申，自己並非負擔不起100元剪髮，更表示「1000蚊我都剪過」，只是認為涉事店舖屬淨剪服務，沒有洗頭及其他配套，以速剪或淨剪市場而言，$100收費偏高，因此決定日後不再光顧。

來源：Facebook@大埔人大埔谷