Office有廁所潛規則？實習生1舉動惹怒前輩：基本禮儀VS第一次聽
在辦公室共用廁所都暗藏一套「約定俗成」的潛規則？近日有網民在 Threads 分享，指公司一名新入職的實習生不懂得「等人離開才洗手」這條不成文規定，引來大批打工仔熱烈討論，有人深表認同大呼「講出心聲」，亦有人直言聞所未聞、質疑事主小題大做。
事主批新intern唔識廁所「基本辦公室禮儀」
樓主以「Office屙屎（大便）要考牌」為題發帖，形容辦公室廁所的禮儀嚴謹得近乎要考核。他憶述，日前正在如廁時，隔鄰廁格同樣有人使用；當他完成後步出洗手之際，隔鄰那位同事竟同時走出來洗手，「點知係新黎既intern，仲要同我say hi」。樓主認為，該位 05 後同事「唔識等另一個人離開廁所先出黎洗手」，並強調這屬於「呢啲基本辦公室屙屎禮儀」，更稱對方「學識前都一定唔會出return offer比佢」。
面對有人質疑此舉會令廁所大排長龍，樓主亦不改立場，回應指「Office廁所得自己公司嘅人用，排咩隊」，又反問對方「你返邊間大公司無獨立廁所咁折墮」，堅持自己一套辦公室相處哲學。
網民兩極意見：深有同感 VS 潛規則第一次聽
帖文一出隨即引來大批網民討論，不少人表示深有同感，認為這種默契確實存在。有網民同樣鉅細無遺地描述整套「規矩」：「喺office廁所廁格屙屎嘅禮儀係要聽到另一個人洗完手出埋門口先會出嚟」；亦有讚數甚高的一則留言把「部署」講得更仔細：「真！喺廁格嗰個聽到出面拉抹手紙聲，再開門出去，應該要見到洗手盤嗰個位已經冇人。洗緊手嘅人，聽到有人開門準備出嚟，應該9秒9洗完走人」。網民支持留言：
有人則點出這套禮儀奇妙在於無師自通：「呢個約定俗成嘅禮儀好似冇人教過，但又唔知點解自己又會識咁做」。更有網民補充辦公室還有其他潛規則：「唔止，仲有條不明文office rule : 如果有一格有人用緊，會自動波隔開一格，唔會去佢隔離嗰格」。
另一邊廂就有反對意見，有人直言第一次聽聞摸不着頭腦：「呢個第一次聽 分唔到曲定真」；亦有人質疑大可不必如此拘謹：「係正常生理需要，有乜好尷尬？！呢個咁嘅『潛規則』真係第一次聽」。亦有部分網民不認同樓主的高姿態，反問「唔通你係廁所manager?」，甚至有人打趣指樓主本人才是害廁所大排長龍的元兇。大家公司辦公室又有冇類似潛規則呢？網民反對留言：
資料及圖片來源：Threads網民討論
香港冷氣開18度凍死人？內地客震驚！網民爆4大原因：仲有呢個職場潛規則
炎炎夏日，不論是寫字樓、商場還是公共交通，香港的室內冷氣往往低至 18-20°C。最近，有一位內地網民在小紅書上發帖，疑惑地表示自己辦公室的冷氣經常被同事調到 26°C，但來港後發現香港的冷氣「竟然可以去到 18°C 咁低」，忍不住發問「是不是香港人體質比較好？」帖文曝光後引來兩地網民熱烈討論。究竟香港的冷氣為什麼總是開得像冰庫？即睇網民拆解背後 4 大關鍵原因與神秘的溫度數字。
港生活人氣本地熱話
↓「森境奇緣夏日異想尋龍記」限定精品↓
↓漫遊秘境地墊、多用途旅行收納袋↓
【送您🐯】韓國超人氣文創品牌MUZIK TIGER 冰感風扇！
↓將萌虎嘅慵懶療癒帶返屋企↓
U GO 本週好去處
