天水圍公屋奇特「凹字形」格局惹熱議　網民嘆「衰過劏房」：床可以擺邊？

天水圍驚現「凹字形」奇特公屋成熱話

近日有港人在Facebook群組「公屋討論區」上傳一段長約30秒的公屋單位內部影片，並無奈問道：「咁嘅形點擺嘢？」從影片可見，單位大門正對著廁房門，廁所內設有坐廁、洗手盆及花灑龍頭；左側為廚房，備有標準洗滌盆及煮食檯面，不過，門口通道狹窄，加上門扇開關後所剩空間有限，令整體格局顯得相當侷促。

即睇公屋單位內部環境

+7

+6

點擊圖片放大

雖然有獨立廚房及廚房，但室內空間被多道牆身、門位及通道切割，呈現罕見的「凹字形」格局。廳的左側延伸出一條寬度僅容一人通過的長條形通道，盡頭僅見一扇鐵窗，面積細小且空間被割得七零八落，家具擺放及日常生活動線亦成為一大考驗。樓主其後留言補充，表示獲派單位位於天水圍天耀邨，單位內只有「一隻窗」，更以「鐵窗邊緣」形容居住環境。

「奇積」公屋引起爭議 網民形容：Y型劏房

帖文隨即引起網民討論，有人驚呼「超縮水屋」、「奇積」，甚至形容格局「成個凹字」。更有網民以「Y型既劏房」作比喻，認為設計相當罕見，直言「仲衰過劏房喎」，甚至有人以「晚晚都在預演瞓棺材」形容居住感受。

亦有網民質疑公屋為何會出現如此設計，留言問道「邊區咁差設計」、「邊到公屋設計衰到咁」，更有人批評設計似乎沒有充分考慮居民實際居住需要，直言「設計師設計唔係比人住」。

網民留言

+6

+5

點擊圖片放大

網民質疑基本生活空間不足 直言「衰過坐監」

不少網民看過影片後，將焦點放在實際居住問題，認為單位空間狹窄，除了睡床外，衣櫃、電視及洗衣機等家具如何擺放亦成疑問，有人甚至形容「衰過坐監」，笑言「坐監唔駛諗邊度夠位放到部洗衣機同點樣晾衫」。

亦有網民認為，問題已經不只是租金多少，而是連基本生活需要都可能難以安排，更留言反問：「到底係啲咩垃圾設計師設計出嚟，佢有冇諗過係畀人類居住？」

網民留言

• 呢個單位格局已經唔係幾$租問題，係基本生活需要都好似放唔到...
• 係咪突然覺得天恩邨已經好好
• 一係全屋做地台，否則唔知點搞
• 拆咗廚房兩邊牆，就好好用
• 同劏房一樣，放張床都冇晒位，衣櫃、電視點放？啲設計係咪求其敷衍居民算
• 除咗獨立廚廁仲衰過劏房
• 細到...床可以擺邊？
• 好似擺到張床已經無乜位，細到呢
• 窗口位係預你放張單格床（如果你身形魁梧d就好難了)

網民勸「有得住要珍惜」：幾百蚊租仲想點

不過，留言區亦有另一派網民認為「一人有得上樓都偷笑啦」，雖然單位面積及格局未必理想，但能夠獲編配公屋已屬幸運，認為一人單位本身面積有限，住戶應作出取捨。亦有人表示即使不滿意亦可以先接受單位，日後再作其他安排。

有網民以其他公屋一人單位作比較，指良景邨及青衣邨亦有類似細小單位，認為「一人單位係咁上下」。更有人直言「有得住就感恩啦」，並以幾百元租金作為考量，反問住戶「仲想有咩要求？」

網民留言

+8

+7

點擊圖片放大

來源：Facebook@公屋討論區