文具佬逆市擴充再開新店！網民集氣1熱門新區苦爆零文具店！官方親自開腔回應

文具佬逆市尋舖擴張！確認未來3個月東九龍再開2分店

連鎖文具雜貨店「文具佬」日前在社交平台向廣大市民求助點條「明路」。文具佬透露，今年雖然有店舖結業，但為了維持營運規模及分攤倉務、物流等後勤成本，團隊正在全港各區積極尋找合適舖位。另外，目前已確認未來 3 個月內將會開設 2 間全新分店，且均落戶於東九龍！

雖然東九龍分店日益密集，但文具佬團隊強調希望能走入更多不同社區，並公開了近期睇過的商場及街舖清單，包括青衣、葵芳、大角咀、黃竹坑、將軍澳、天水圍、大埔、灣仔、香港仔等，希望大家積極提供寶貴意見。

網民集氣點名熱門區域！呢個區街坊狂求：買文具要去 LOG-ON / MUJI

帖文一出，隨即釣出全港各區街坊瘋狂留言「集氣」，爭相為自己居住的地區爭取文具佬進駐：

1. 啟德

呼聲最高的一區是啟德！大批居民湧入留言，直言該區近年大量公屋、居屋及私樓入伙，更有大量學生，但區內竟然「一間平價文具舖都無」！街坊苦笑表示「買文具要特登去 Muji 或 LOG-ON，勁癲」，極度希望文具佬能進駐啟德零售館。

2. 南區/香港仔

雖然過去文具佬曾落腳於海怡半島，但最後亦因租約期滿而離場。有南區街坊分析指之前海怡分店位置偏遠，但黃竹坑或香港仔中心十分適合，希望文具佬再度考慮，苦嘆「成個南區真係無野好行，買啲靚文具都要離開南區。」

點擊圖片放大

3. 慈雲山

有慈雲山媽媽級粉絲留言大讚文具佬，「呢邊好多學生！我自己由買 BB 野到依家買文具、零食都鍾意喺文具佬買」，希望團隊可進駐慈雲山。

4. 大埔太和 / 馬鞍山 / 粉嶺

太和街坊指出當地匯聚多間中小學，急需精品文具店；馬鞍山街坊則希望重返區內，建議避開以往偏遠的 We Go Mall，改選海栢或馬鞍山中心。

官方親自回應！啟德睇過幾個場：未成功傾到

對於啟德居民鋪天蓋地的強烈訴求，文具佬官方亦在留言區親自回應，透露「啟德其實我哋有睇過兩三個場，最後都係未有一間能夠成功傾到」，不過團隊承諾會繼續密切留意各大熱門區域的舖位。文具佬更透露，過往有幾次都是因為網民不停叫陣，團隊親自去搵舖開店後「生意特別好」，因此今次一定會認真分析留言，為接下來關鍵的兩三間新店作精準選址！

▼文具佬全文▼

資料及圖片來源：文具佬生活百貨 Stationery Lo、旅發局、領展