地盤工人遭拖3個月糧 發文急問追薪要等幾耐！網民一面倒勸咁做：拖一星期就要追啦！附勞工法例

地盤工遭拖3個月糧 屋企急住用錢發文求助

有港人於Facebook群組「裁員炒人消息關注組」發帖求助，指自己從事地盤工作，惟遭僱主拖欠薪金達3個月，遂向網民詢問：「想問下各位師兄小小問題，咁小弟做地盤俾人拖左3個月糧，如果上勞工處搞，有無師兄知要搞先耐先收到錢？」

一拖再拖變3個月 樓主自嘲「信左佢地」

事主其後再留言透露，「依家都唔知點算好，求佢出糧，都唔出」，無奈表示屋企急住需要用錢，惟多次要求對方出糧仍未有結果。他續指，自己一直相信對方所說的出糧安排，結果由最初承諾「下星期出」，一拖再拖至今已有3個月，更指對方連強積金供款亦未有為他們處理，不禁慨嘆：「都係自己衰，信左佢地話下星期出咁樣，一講就講左3個月...強積金都未幫我地供。」

網民留言一面倒 力勸即上勞工處：拖一星期就要去

帖文引起不少網民留言，不少人均建議樓主不要再等待，應先到勞工處登記及尋求勞資審裁處協助。有網民直言：「你上咗勞工處登記先啦」，亦有人認為欠薪不應拖延，稱「拖一個星期就要去啦」。

亦有網民提醒，若僱主最終無力償債或結業，追討欠薪可能涉及其他程序，因此不應單靠僱主口頭承諾。有留言更稱：「人工唔好拖得太多個月先追」，紛紛建議樓主盡快處理。

網民留言

+5

+4

點擊圖片放大

過來人分享追薪經歷　有人指「搞左年幾」

除了勸樓主盡快求助，留言區亦有不少「過來人」分享追薪經歷，表示相關程序可能需要較長時間，甚至稱「基本上一年以上」；亦有人指「正常一年左右，私下解決最快」，認為實際需時視乎個案情況。

亦有從事地盤工作的網民分享，自己曾經因欠薪追討，整個過程「搞左年幾」。不過亦有人表示，自己過往成功追回欠薪，並指當時同樣感到無助，最終在工聯會及勞工處協助下，成功取回應得的薪金。

網民留言

+4

+3

點擊圖片放大

樓主曾向發展商求助 對方稱「幫唔到手」

面對網民建議，樓主亦透露自己並非沒有嘗試解決。他表示，自己曾經找過發展商，「搵左，話幫唔到手，叫去勞記」，即對方建議他向勞工處尋求協助。至於欠薪問題，樓主表示判頭曾承諾「今日出」，因此他亦決定再等最後一次：「個判頭話今日出，如果今日再無，睇下拉橫額定去勞記好...」。

勞工處：僱主逾7日未出糧即屬欠薪

事實上，在香港「拖糧」有明確法定期限。根據《僱傭條例》，僱主須在工資期最後一天完結後7天內支付工資；如逾期仍未支付，即屬欠薪，拖欠工資亦屬刑事罪行。另一方面，如僱主非法扣除工資，可被檢控，一經定罪，最高可被罰款35萬元及監禁3年。

來源：Facebook@裁員炒人消息關注組、勞工處