招聘廣告驚見「企鵝免問」！揭9大職場暗黑術語！呢類冗員踢一踢郁一郁最難搞？

招聘廣告驚見「企鵝免問」？揭曉背後意思

大家搵工睇求職廣告時，有沒有看過奇怪的入職要求？最近有網民在 Threads 上發文，指香港有部分招聘廣告會特別指明「企鵝免問」，到底甚麼是「企鵝」？

有內行網民就解構「企鵝」一詞由來，原來「企鵝」就是指經常站著、然後「哦哦哦」，但甚麼也不做的冗員！特別是在服務業中，常用來形容那些「只會企喺自己個位唔去幫手、唔會主動合力完成工作，踢一踢郁一郁」的同行同事。

網民盤點「職場黑話大辭典」！9大常見冗員分類

帖文一出，吸引大批打工仔留言討論，大家更紛紛留言列出職場上各種令人頭痛的「神秘角色」：

+6

+5

點擊圖片放大

▼網民盤點9大常見冗員分類▼

• 企鵝 / 四格階磚 / 蠟像：只會企定定喺自己個位，行多步都唔郁，或者要人哋服侍的「少奶」；
• 足球員 / 射波（卸膊）：失驚無神話唔返工請假，或者將工作責任推卸給其他同事；
• 消防員：返 1 日放 2 日；
• 口水佬：整天講個不停，把口唔停；
• 電競手 / 手機黨：返工時間全程掛住㩒電話；
• 大師父：諸事八卦、嫌三嫌四，「講就無敵，做就無能為力」；
• 大小姐：做嘢揀擇，連基本清潔都唔肯做；
• 方丈：唔做正事，成日喺度咦咦哦哦。

勞資兩方戰火爆發！打工仔：唔係比$100個鐘 高要求啲乜？

對於招聘廣告寫明「企鵝免問」，網民的睇法相當兩極。有網民認為這種要求多餘，直言「其實寫嚟都多餘，我嚟求職點會承認自己係企鵝？而且又無樣睇」；亦有打工仔直言人工與要求不成正比，「其實老實講，你唔係比 $100 一個鐘我，咁鬼低薪高要求乜要求物」！不過也有中立網民表示理解，「搵工嘅可以有要求，搵人嘅都可以，好公道」、「最怕遇到企鵝型同事，做埋佢嗰份真係辛酸」。

▼網民討論▼

+5

+4

點擊圖片放大

▼Threads原文▼

資料及圖片來源：Threads@idonthavephoto.nef、《愛‧回家之開心速遞》劇照、Canva圖片